Scotched English
Frae Wikipedia
Scotched English is (for ordinar) Staundart English that's been buskit for tae mak it leuk lik Scots. This can come aboot in twa-three weys.
It micht juist coud be an affcome o the fact that maist native Scots-speakers haes only iver been teached hou tae write (staundart) English an this gars thaim stap thair ain Scots intae the haud an bind o (staundart) English grammar an eediom.
The fowk scrievin isna native Scots-speakers. Whan scrievin thay're thinkin in English an juist chyngin the lexemes an spellins o the English model in thair heids. Anither furm o this is whaur an English screed is taen as a foond an the selsame chyngin o lexemes an spellins is duin wi't.
Aften wirds is howkit fae dictionars an uised oot o context or fowk clecks idiosyncratic lexemes, eedioms, morphological elements or syntactic structurs that's taen fae or foondit on English an isna a pairt o Scots an is uised whaur Scots wad hae an exeestin authentic hamelt mak o its ain. This for ordinar comes aboot acause o want o ken o Scots on the pairt o the scriever.
It whiles comes aboot acause the Scots dialect o the writer is awfu anglifee'd onywey.
