Wikipedia:Górnośląska Wikipedia/Klawiatura
Z Wikipedii
| Śląska Wikipedia - strona główna |
| Dyskusja główna |
| Kodyfikacja śląskiego Zasady pisowni Pliki klawiatury Tłumaczenie interfejsu |
| Przykładowe artykuły Kategoria |
| Ostatnie zmiany |
Spis treści |
[edytuj] Tastatůra
Můmy pliki tastatůry ze znakůma djakrytyčnymi užywanymi we ślůnskij Wikipedyji.
- Tastatůra QWERTY
- Tastatůra QWERTZ
[edytuj] Inštalacjo
[edytuj] Inštalacjo pod systymym Win9x
- Uozpakuj "querty95-98.zip" (jak moš ńymjecko tastatůra, to "quertz95-98.zip") i schowej se plik "kbdsv.kbd" na dysku (kaj chceš).
- Uotwůř "Panel sterowańo".
- Uotwůř aplikacjo "Tastatůra".
- Wybjer zakuodka "Jynzyk".
- Naciś "Dodej nowy".
- Uozwiń lista i pošukej "Suowyński", jak nojdźeš, naciś "OK".
- Naciś "Zastosuj".
- Terozki uotwoři śe uokno "Kopjowańy plikůw", a zarozki pů ńym kůmůńikat "Wsadź dysketka" – naćiś "OK".
- We uokńe "Kopjowańy plikůw" bydźe stouo, co ńy idźe nolyź pliku "kbdsv.kbd" – naciś "Přeglůndej".
- We uokńe "Uotwůř" pošukej dysku i kataloga, do kerego'ś schowou plik we pkt. 1; jak go nojdźeš, we uobu uoknach po lewyj bydźeš mjou te same mjano i wtynčos naćiś "OK".
- Terozki zaś wrocoš śe do uokna "Kopjowańy plikůw" – tam tyž naćiś "OK".
- We zakuodce "Jynzyk" pokože ći śe nowo tastatůra "Suowyński" (jak chceš, to mogeš jům přijůńć jako "domyślno") – naćiś "OK".
To je juž wšysko. Pamjyntej, co gibke přeuůnčańy tastatůry dowo kůmbinacjo "lewy ALT" + "lewy SHIFT".
[edytuj] Inštalacjo pod systymym WinXP
- Uozpakuj "quertyXP.zip" (jak moš ńymjecko tastatůra, to "quertzXP.zip") do takigo kataloga, jaki ći pasuje.
- Uotwůř katalog "Layout01", kaj je plik inštalacyjny "Layout01.msi".
- Uruchům "Layout01.msi" – po uruchůmjyńu zainštaluje uůn drajwer nowyj tastatůry we systymje.
- Uotwůř "Panel sterowańo".
- Uotwůř aplikacjo "Uopcje rygjůnalne i jynzykowe".
- Wybjer zakuodka "Jynzyki".
- We polu "Djynsty tekstowe i jynzyki" naćiś "Ščygůuy".
- Jak śe uotwoři uokynko "Djynsty tekstowe i jynzyki", we polu "Zainštalowane djynsty" naćiś "Dodej" – wtynčos uotwoři śe nastympne uokynko: "Dodowańy jynzyka".
- Uozwiń we tym uokynku lista "Anlaga tastatůry/edytor IME" – nojdźeš tam "slonski".
- Naćiś "Zastosuj" i "OK".
To juž je wšysko. Pamjyntej, co gibke přeuůnčańy tastatůry dowo kůmbinacjo "lewy ALT" + "lewy SHIFT".
[edytuj] Jak užywać
[edytuj] Tastatůra QWERTY
Ze prawym kneflym ALT škryflůmy polske buchštaby: ą ę ż ł (we kůmbinacji ze kneflym SHIFT: Ą Ę Ż Ł):
Wćiskůmy knefel ^/°, puščůmy, a potym wćiskůmy jedyn ze knefli A C D E I N O R S T U Z i můmy: â č ď ě î ň ô ř š ť ű ž, a we kůmbinacji ze kneflym SHIFT: Â Č Ď Ě Î Ň Ô Ř Š Ť Ű Ž:
Wćiskůmy knefel ´/+, puščůmy, a potym wćiskůmy jedyn ze knefli A C E I L N O R S U Y Z i dostowůmy: á ć é í ĺ ń ó ŕ ś ú ý ź a we kůmbinacji ze kneflym SHIFT: Á Ć É Í Ĺ Ń Ó Ŕ Ś Ú Ý Ź:
Wćiskůmy SHIFT + ^/°, puščůmy, a potym wćiskůmy knefel U i dostowůmy ů, a we kůmbinacji ze kneflym SHIFT: Ů:
[edytuj] Tastatůra QWERTZ
Ze prawym kneflym ALT škryflůmy polske buchštaby: ą ę (we kůmbinacji ze kneflym SHIFT: Ą Ę):
Wćiskůmy knefel ^/°, puščůmy, a potym wćiskůmy jedyn ze knefli A C D E I N O R S T U Z i můmy: â č ď ě î ň ô ř š ť ű ž, a we kůmbinacji ze kneflym SHIFT: Â Č Ď Ě Î Ň Ô Ř Š Ť Ű Ž:
Wćiskůmy knefel ´/+, puščůmy, a potym wćiskůmy jedyn ze knefli A C E I L N O R S U Y Z i dostowůmy: á ć é í ĺ ń ó ŕ ś ú ý ź a we kůmbinacji ze kneflym SHIFT: Á Ć É Í Ĺ Ń Ó Ŕ Ś Ú Ý Ź:
Wćiskůmy SHIFT + ^/°, puščůmy, a potym wćiskůmy jedyn ze knefli U Z i dostowůmy ů abo "ż", a we kůmbinacji ze kneflym SHIFT: Ů abo Ż:
