Un article de Wikipèdia, l'enciclopèdia liura.
Los dipneustes, que constituisson la Sosclassa dels Dipnoi, son de peisses sarcopterigians caracterisats per la preséncia de palmons foncionals en mai de las branquias abitualas. Aquestes organs derivan d'estructuras primitivas qu'an evoluit cap a de botarigas nadadoiras dins las linhadas aqüaticas coma los actinopterigians o cap a de palmons fonccionals dins las linhadas mai adaptadas a la vida terrèstra coma los dipneuses e los primièrs tetrapòdes.
Tanben son caracterisats per de placas dentàrias trissadoiras. Coma per los autres sarcopterigians, lors nadarèlas ventralas se ligan sus la cencha escapulària per un òs unic, anonciant los membres dels tetrapòdes.
[Modificar] Genres e espècias
- Neoceratodus — dipneustes australians
- Lepidosiren — dipneustes americans
- Protopterus — dipneustes africans
- Protopterus aethiopicus
- Protopterus amphibius
- Protopterus annectens
- Protopterus dolloi
