Vidar Sandbeck
Frå Wikipedia – det frie oppslagsverket
Vidar Sandbeck (fødd 21. juli 1918 på Åsta i Åmot, død 10. november 2005) var ein norsk visesongar, visediktar og forfattar.
Sandbeck voks opp i trange kår og levde eit omskifteleg liv før han etablerte seg med tekst og tonar som profesjon.
Han debuterte i 1954 med visesamlinga I døragløtten, og fekk gjennombrotet sitt som visesongar med Pengegaloppen i 1959. Etter knallsuksessen med den gjerrige gubben som «satt i kveldinga» og talde pengar, vart Sandbeck fast tilsatt i Otto Nielsen sitt vekefaste radioprogram Søndagsposten. I Barnetimen for dei minste nådde han gjennom 20 år ein popularitet som kunne måle seg med Alf Prøysen og Anne-Cath. Vestly. Dei fleste av radioforteljingane hans er gjevne ut i bokform.
Litterært nådde han høgda i åra rundt 1980, med to seriar sorgmuntre barndomserindringar; åtte band barnebøker og seks band med romanar for vaksne.
I 1993 fekk han Spellemannprisen for viseplata Legende, samt heidersprisen for eit livslangt bidrag til norsk visekunst.
[endre] Diskografi
[endre] Album
- 1965: Vidar Synger Sandbeck
- 1973: Fra viseskuffen
- 1975: Kan Du Låne Bort en Femmer?
- 1981: Påsans viser
- 1992: Legende
- 2003: Jordbærstrå (samlealbum)
- 2003: En fergemanns vise (samlealbum)
- 2003: Gull og grønne skoger (tolka av andre artistar)
[endre] Kjelder og lenker
 |
Denne artikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han. |
| Sjå òg: Oversyn over spirer. | |
