Romandie

Frå Wikipedia – det frie oppslagsverket

Språkområda i Sveits. Romandie er vist i
lilla.

Romandie (fr. la Romandie eller la Suisse romande) er ei nemning for den fransktalande delen av Sveits - i praksis betyr dette den vestlege delen. Regionen må ikkje forvekslast med det som på fransk heiter la Suisse romanche, som er den delen av Sveits der det blir snakka retoromansk (delar av kantonen Graubünden).

Romandie omfattar kantonane Genève, Vaud, Neuchâtel og Jura, samt dei fransktalande delane av kantonane Bern, Valais og Fribourg. Rundt 1,5 million menneske (ca. 20% av sveitsarane) bur i Romandie.

Dei ulike franske dialektane i Romandie kan av og til bli kalt sveitsarfransk. Imidlertid er det små forskjellar mellom sveitsarfransk og «vanleg» fransk, og det er generelt mogleg å forstå den andre typen dersom ein forstår den eine av dei. Noko av det første ein legg merke til i sveitsarfransk kan vera talsystemet; sytti heiter septante (ikkje soixante-dix), nitti heiter nonante (ikkje quatre-vingt-dix), og nokre stader heiter åtti huitante.

Regionen eksisterer ikkje i seg sjølv i det politiske systemet, men verkar likevel samlande på det fransktalande folket i Sveits. Fjernsynskanalen TSR lagar program for folk i Romandie.

[endre] Sjå òg

• Romandie rundt (sykkelløp)
• Sveitsartysk

Denne geografiartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han. Sjå òg: Oversyn over geografispirer.