Reformpartiet

Frå Wikipedia – det frie oppslagsverket

Sjå òg: Reformpartiet (1974-1975), partigruppa som braut med Framstegspartiet mellom 1974 og 1975.

Reformpartiet er eit protestparti mot bompengar som vart tufta den 12. oktober 2004 på Nøtterøy Menighetshus. Partiet har òg fokusert sterkt på å betra samferdsletilbodet i Vestfold gjennom utbygging av E18 til fire felt og dobbelspor på jernbana gjennom fylket. Partiet rakk å samla dei naudsynte 5000 støtteunderskrifter innan årsskiftet, og rakk innan fristen for stortingsvalet 2005, å stilla lister i 6 fylke: Vestfold, Rogaland, Møre og Romsdal, Oppland, Østfold og Akershus. Partiets slagord for stortingsvalet 2005 er "Norge uten bommer! Reformpartiet - mot velgerforakt og maktmisbruk!". Reformpartiet har som det einaste av partia som stiller til stortingsvalet, programfesta respekt for folkeviljen, ved at det seier at dersom 5% av veljarane skriv under på krav om folkeavstemning i ei sak, så skal slik avstemning skje og resultatet skal vera bindande for partiet.

Reformpartiet hadde liten suksess ved valet i 2005. Tilsaman fekk det 727 røyster, over halvparten av desse i Vestfold. Dette utgjorde ei oppslutning på 0,03 % på landsbasis. I dei enkelte fylka der dei stilte fekk dei:

• Vestfold: 0,36 %
• Oppland: 0,08 %
• Østfold: 0,03 %
• Rogaland: 0,02 %
• Møre og Romsdal: 0,02 %
• Akershus: 0,01 %