Laila Freivalds
Frå Wikipedia – det frie oppslagsverket
Laila Freivalds (f. 22. juni 1942) er ein svensk jurist og sosialdemokratisk politikar. Ho har vore justisminister i landet to gonger og vart utanriksminister då Anna Lindh vart drepen i 2003.
Freivalds blei fødd i Riga, men familien hennar flykta frå landet då det blei okkupert av Sovjetunionen under den andre verdskrigen. Ho hamna i tysk flyktningleir. I 1947 kom ho med mor si og syskena sine til Landskrona i Sverige. Ho blei cand. jur. ved Uppsala universitet i 1970, og arbeida i det svenske rettsystemet og for forbrukarombodet.
Laila Freivalds var justisminister i perioden 1988-1991 og igjen 1994-2000. Ho hadde eigentleg trukke seg som politikar, men takka ja til stillinga som utenriksminister etter drapet på Anna Lindh.
Freivalds meddelte den 21. mars 2006 at ho gjekk av som utanriksminister, etter kraftig kritikk for hennar rolle i stengninga av websider som publiserte Muhammed-karikaturane og handteringa av tsunamikatastrofen. Ho har også vore innblanda i tvilsame økonomiske hendingar.
