Hedda Gabler
Frå Wikipedia – det frie oppslagsverket
Hedda Gabler er eit skodespel av Henrik Ibsen. Det kom ut i 1890.
[endre] Handling
Hedda Gabler er dotter av avdøde General Gabler, som ikkje har etterlatt ho nokon formue. Ho er i slutten av tjueåra og etter nokre år med eit aktivt sosietetsliv, gifta ho seg med Jørgen Tesman. Jørgen har vokse opp hos sine to tanter Julle og Rina. Tante Julle er ein omsorgsfull person, som tek seg av Rina som ligg for døden. I slutten av skodespelet dør Rina. Ekteskapet til Hedda og Jørgen er basert på at Jørgen blir professor ved universitetet. I løpet av knappe to dager set Hedda i scene ei rekke handlingar som får dramatiske følger.
Handlinga i «Hedda Gabler» byrjar med at Hedda og Jørgen Tesman kjem heim frå ei seks månadar lang bryllaupsreise. Hedda har kjeda seg, medan Tesman har brukt mykje av tida til arbeidet sitt. Til trass for stor motvilje mot ektemannen har Hedda blitt gravid, noko ho ovenfor omgivelsane har nekta for. Tesman bli fortvila når han får veta frå lagdommer Brack at han vil få konkurranse om stillinga til professorat av Hedda sin tidlegare flamme Eilert Løvborg. Medan det ser ut til at Hedda tek alt med slåande ro.
Eilert Løvborg er kjend som ein alkoholisert bohemtype, men dei siste åra har han levd eit nøkternt og tilbaketrukke liv. Eilert har gitt ut ei bok som får veldig gode kritikkar, han har skrevet manuskriptet, som han har berre eit eksemplar av, saman med Thea Elvsted. Maunskriptet blir beskrive som barnet til Eilert og Thea. Dette er noko som plagar Hedda. Ved byrjinga av stykket har Eilert Løvborg komme til byen, og har med seg manuskriptet. Thea som er djupt forelska i Eilert har forlete mannen sin og reist etter han. Løvborg let seg provosere av Hedda til å bli med Jørgen og lagdommer Brack på fest. Der drikk han seg full, og mistar manuskriptet. Tesman finn Manuskriptet og gir det til Hedda. Eilert fortel Hedda og Thea at han har rive i stykker maunskriptet. Dette gjer han for å skåne Thea. Til Hedda seier han at det verste ikkje er å drepe eit barn, det er endå verra å miste det. Hedda fortel ikkje Eilert at ho har manuskriptet hans, men oppfordrar han heller til å ta skjølvmord «i skjønnheit». Ho gir han ein av dei gamle pistolane ho har arva frå faren sin, general Gabler. Denne løysinga er svært enkel for Løvborg, då slepp han fleire problem og han slepp å forklare seg til Thea fleire gonger. Etter at Løvborg har gått brenn Hedda manuskriptet til Eilert.
Seinare kjem assesor Brack for å fortelje nyheita. Han fortel at Eilert Løvborg er funnen på eit horehus med ein avfyrd pistol i lomma, skuddet trefte underlivet. Assesor Brack fortel og at han kjende igjen pistolen, den var Hedda sin. Brack brukar denne informasjonen til å presse Hedda til å bli elskerinna hans. Medan Hedda og assesor Brack snakkar saman, jobbar Jørgen og Thea med å setje saman manuskriptet til Løvborg ved hjelp av små notatlappar.
Hedda kjedar seg. Dette kjem tydleg fram i dramaet ved at ho gjentatte gonger både seier det og uttrykker det med kroppsrørsler. Ho har ikkje anna å gjere enn å blande seg inn i andre folk sine problem og lage intrigar. Dette jer problema større enn dei var i byrjinga, noko som Hedda berre ser ut til å nyte.
Fram til Brack kjenner igjen pistolen Eilert har skote seg med har Hedda full kontroll over alt ho foretek seg. Når assesor Brack fortel Hedda kva som vil skje, merkar me at oppførselen til Hedda forandrar seg. Ho virkar redd, nesten litt desperat. Ho forstår at ektemannen hennar vil vere lite heime, og Hedda har liten moglegheit til å sleppe unna Brack. Hedda likar ikkje tanken på at livet hennar skal bli styrt av ein anna enn ho sjølv. Og med dette ser ho ingen grunn til å leve og tek den andre av farens pistolar og skyt seg i skjønnheit.
