Eufonium
Frå Wikipedia – det frie oppslagsverket
Eufonium er eit musikkinstrument i massingblåsarfamilien. Det hev B elder C (sjeldan) til grunntone - éin oktav under trompeten. Ein eufonium hev 3-4 ventilar, og ser ut som ein liten tuba, og kann òg kallast tenortuba. Namnet eufonium kjem frå gresk eufonion som tyder velklang, og instrumentet hev ein varm, fyllug klang. Ein person som spelar eufonium kann kallast eufonist.
Eufonium hev til liks med tuba konisk boring (røyrdiameteren auker heile vegen). Motsetnaden er trombone- og trompetfamilien som hev sylindrisk boring (diameteren er konstant fram til klokkestykkjet). Dette gjev instrumentet ein heilt annan klang en trombonen, jamvel um dei spelar i same registeret; eufonium hev ein mykje rundare klang.
[endre] Bruk
Eufonium er eit mykje bruka instrument i ulike slag brassband og janitsjarkorps, og fær her ofte tilskrive viktuge røyster og soli. I orkesterlitteraturen vert han derimot sjeldnare bruka, og er ikkje eit fast instrument i symfoniorkesteret. Endå vert det nytta attimillom, til dømes i Gustav Holsts stykkje Planetene.
