Arild Stavrum
Frå Wikipedia – det frie oppslagsverket
Arild Stavrum (f. 16. april 1972) er ein norsk fotballtrenar og tidlegare spelar. Han er son av den tidlegare tidligere Lyn-spissen Ole Stavrum, og bror av Ole Erik Stavrum, tidlegare midtstoppar i Brann og Molde. Stavrum vart tilsett som hovudtrenar i Molde julaftan 2005. Han har tidlegare vore trenar i andredivisjonsklubben Bærum. Som spelar fekk han to A-landskampar for Noregs A-landslag.
Stavrum starta fotballkarriera i Clausenengen i heimbyen Kristiansund. I 1991 gjekk han til Brann, der han vart lagkamerat med broren. Arild Stavrum opplevde ikkje suksess i Bergen, og vart seld til Molde etter 1993-sesongen.
I Molde var Stavrum ein desto større suksess. I 1994 vart han toppskårar i klubben, då Molda rykka opp i Eliteserien etter ein sesong på det nest høgaste nivået. Molde vann òg cupen denne sesongen. Året etter skåra Stavrum 16 mål i Tippeligaen då Molde, anført av «dei tre S'ane» (Stavrum, Solskjær og Sundgot) tok sølv i serien.
I 1997 vart Stavrum seld til Stabæk. Etter ein sesong vart han kjøpt av den svenske klubben Helsingborg, der han spela under gamletrenaren frå Molde, Åge Hareide. Den første sesongen i Helsingborg vart Stavrum toppskårar Allsvenskan med atten mål. Sesongen etter vart han svensk seriemester, og vart igjen klubbens toppskårar. Ved sesongslutt kjøpte den skotske klubben Aberdeen Stavrum.
Han spelte to sesongar i Aberdeen, og vart klubbens toppskårar begge sesongane. Sommaren 2001 melde han overgang til tyrkiske Besiktas, der han spelte to sesongar før han i 2003 returnerte til Molde. I løpet av sitt andre opphald i Molde var Stavrum mykje plaga av skader.
Stavrum la fotballskoa på hylla etter 2004-sesongen, og vart trenar i Bærum. I sin einaste sesong som trenar leia han klubben til fjerdeplass i 2. divisjon, avdeling 1.
[endre] Karriere som spelar
| Klubb | Kampar* | Mål* | Periode |
|---|---|---|---|
 Clausenengen |
? | ? | ????-1990 |
| Brann |
25 | 3 | 1991-1993 |
| Molde |
73 | 45 | 1994-1996 |
| Stabæk |
26 | 7 | 1997 |
 Helsingborg |
52 | 29 | 1998-1999 |
 Aberdeen |
54 | 26 | 1999-2001 |
 Besiktas |
18 | 5 | 2001-2002 |
| Molde |
27 | 1 | 2003-2004 |
* Kun seriekampar.
