Wikipedia:Vörlagen
From Wikipedia
Vörlagen sünd Sieden, de licht in verschedene Artikels inbunnen warrn köönt, so dat ehr Inholt in disse Artikels dorstellt warrt. Dat gifft veer wichtige Typen vun Vörlagen, Textvörlagen, Navigatschoonsliesten, Infoboxen un Hülpvorlagen. Vörlagen warrt in en Siet inföögt, wenn se in dubbelte swungene Klammern sett warrt: {{NAAM_VUN_DE_VÖRLAAG}}. Mehr to de Funkschoonswies vun Vörlage ünner Hülp:Vörlagen.
Inholtsverteken |
[Ännern] Textvörlagen
In Textvörlagen staht Texten, de jümmer wedder bruukt warrt. En Bispeel is de Vörlaag:gauweg, de bruukt warrt, üm en Siet to markeren, de wegsmeten warrn schall.
Översicht: Kategorie:Wikipedia:Textvörlaag
[Ännern] Navigatschoonsliesten
De Naam vun Navigatschoonsliesten schall jümmer mit dat Woort „Navigatschoonsliest“ anfangen, folgt vun den Gegenstand, de dorstellt warrt, to'n Bispeel Vörlaag:Navigatschoonsliest Eilannen vun de Binneren Hebriden. Se schöölt aver blots denn bruukt warrn, wenn de dormit verbunnenen Artikels en afslatene un nich to grote Grupp billt un dat en klore Definitschoon gifft, dör de seggt warrn kann, wat dor rin höört un wat nich. Bispelen: De Gemenen in en bestimmten Landkreis billt en kloor defineerte Grupp vun villicht 50 Gemenen, de köönt in en Navigatschoonsliest gruppeert warrn. Themenringen, to'n Bispeel „Översicht wichtige Fachbegreep Buddhismus“, maakt kenen Sinn, dat is Opgaav vun de Portalsieden.
Översicht: Kategorie:Wikipedia:Navigatschoonsliest
[Ännern] Infoboxen
Infoboxen sünd Vörlagen, de an'n Anfang vun bestimmte Artikel steiht un en Box an rechten Rand vun'e Siet produzeert, de en Översicht över wichtige Fakten to den Artikelgegenstand gifft. Sone Boxen warrt blot bi Artikeltypen bruukt, wo vörher en Konsens rutkeem, dat disse Soort vun Artikels en Infobox kriegen schall. Se schöölt blot bruukt warrn, wenn en gröttere Meng Artikels över jümer lieke Kenndaten verföögt, de op't best in en Tabell dorstellt warrn köönt. En good Bispeel sünd Asteroiden, de en ganze Reeg vun physikaalsche Daten hebbt, de blot swoor in Text utdrückt warrn köönt. En Bispeel för en Infobox is de Taxobox.
Översicht: Kategorie:Wikipedia:Infobox
[Ännern] Hülpvörlagen
Hülpvörlagen sünd Hülpkonstrukte, de bestimmte Opgaven lichter maakt, to'n Bispeel de Vörlaag:Prettytable, mit de Tabellen ganz licht adrett formateert warrn köönt.
Översicht: Kategorie:Wikipedia:Hülpvörlaag
