Inge Lehmann

From Wikipedia

Inge Lehmann (* 13. Mai 1888 in Osterbro, Däänmark, † 21. Februar 1993) wörr en dänsche Eerdphysikerin un bedüdend Seismologin.

Born un opwossen is Inge Lehmann in de nöög von Kopenhagen. In Kopenhagen hett se denn Mathematik studeert. Üm 1920 is se Assistentin worrn bi den Geodäten – dat sünd de Lüüd, welke de Eer vermeten dot – Prof. Nörlund. De Professor geev ehr den Opdrag, seismologische Oppassstationen intorichten. 1928 hett Lehmann ehr Examen in Geodäsie maakt.

1936 hett Inge Lehmann ehr gröttste Opdecken maakt, as se ut Seismogramme afleiden künn, dat in den Eerdkarn en seismische Diskontinuität – wat bedüd, dat sik slagortig dat Material ännert un deswegen de Erdbevenbülgen ünerscheedlich gau wieterlopt – vörkummt. Dormit hett Inge Lehmann opdeckt, dat de Eer nicht blots een fasten Karn hett, man ok noch von een flüssigen Karn ümgeven is un hett en gropten Bidrag to'n Verstaan von den Eerdopbau brocht.

Nar ehr Pensionierung 1953 hett Lehmann mit de amerikaanschen Eerdwetenschopplers Maurice Ewing un Frank Press tosamenarbeit un den Opbau von de Eerdkrust un den Eerdmantel ünnersocht. Dorbi hett se noch een seismische Diskontinuität, de sik in Middel in een Deep twüschen 190 un 250 km befinnt. Disse is denn nar ehr nöömt worrn un warrt ünner Fachlüüd as Lehmann-Diskontinuität betekend.

Inge Lehmann wörr 104 Johr as se 1993 doodbleven is.

[Ännern] Utteken

Inge Lehmann tellt to de bedüdensten Seismologen in de Historie. För ehr Wark is se veelfach ehrt nu uttekend worrn. Se hett ünner anneren kregen:

1938 – den Tagea Brandt Award
1960 – den Harry Oscar Wood Award
1964 – de Emil-Wiechert-Medaille
1965 – de Goldmedaille von de königlich däänschen Akademie för Wetenschoppen und Schriften
1967 – den Tagea Brandt Award
1971 – de William Bowie Medal
1977 – de Medaille von de Seismological Society of America