Hinnerk De Leuw
From Wikipedia
Hinnerk de Leuw (op hoochdüütsch Heinrich der Löwe; * 1129; † 6. August 1195 in Brunswiek) weer en besünners flietigen Hertog vun de Sassen un de Bayern.
Hinnerk sien Vadder weer Hinnerk de Stolte. Sien Swegervadder weer Keunig Hinnerk II. vun England.
Hertog vun Sassen weer he vun 1142 bit 1180, Hertog vun Bayern weer he vun 1156 bit 1180.
1147 hett he in den Wendenkrüüztog versocht, dat Volk vun de Wenden to dat Christendom to bekehren. 1160 is he denn wieder na Oosten un hett Krieg mookt tegen de Slawen.
Hinnerk harr sik besünners vörnahmen, dat sassische Rebeet grötter to moken. Dorför harr he en Stadt na de anner grünnt, ok in Bayern, besünners obers in Sassen. Bispeel:
1180 weer dat toenn mit sien Hertogspelen. Denn harr he sik mit Kaiser Friedrich I. Barbarossa in de Wull kregen, vun wegen dat he bi den Italienkrieg nich mehr mitmoken wull. Hinnerk harr dorför nämlich de Stadt Goslar hebben wullt. Friedrich Barbarossa hett em denn in Bann leggt. Hinnerk harr denn 1182 na England möten. Obers 1189 is Friedrich denn wedder op en Krüüztog gahn un denn is Hinnerk gau wedder trüch.
Besünners harr em dat rieke Bewick andohn. He harr dat nich so mit de Bewickers wun wegen dat se em nich so leev hatt harrn. Denn is he 1189 vör Bewick trocken mit en grotet Heer un hett de Stadt belagert. Dat duur 'n Tied, man denn is de Bewickers en Bull weglopen un straks in dat Lager vun Hinnerk. Hinnerk sien Lü harrn den Bullen den jaagt un denn is de dör de Ilmenau in de Stadt. Dor hett Hinnerk dat kloorkregen, dat he dör de Ilmenau kunn. Un denn hett he de Stadt plattmookt. Blots de Karken hett he stahn laten. Dor weer dat toenn mit de rieke Stadt Bewick.
Na den Arger mit Kaiser Friedrich hett he sik denn wedder mit Friedrich sien Arven Kaiser Hinnerk VI. verdragen un is denn in Brunswiek doodbleven.
