Granaat
From Wikipedia
| Granaat | ||||||||||||
|---|---|---|---|---|---|---|---|---|---|---|---|---|
 |
||||||||||||
| Systematik | ||||||||||||
|
||||||||||||
| Wetenschoplich Naam | ||||||||||||
| Crangon crangon | ||||||||||||
| Linnaeus 1758 |
Granaat (Latiensch Crangon crangon) is ene Kreeftoort von 3 bit 5 cm Läng, de ünner annern in de Noordsee leevt. De Naam kummt her von de langen „Grannen“, de an'n Kopp sitt'. De Granaat warrt ok woll Krabb (för de Biologen is dat aver wat anneret) oder Knoot nöömt.
Fröher woor Granaat mit trechterförmige Granaatkörf fungen, de in de Prielen upstellt woorn. De hüdigen Granaatfischers föhrt mit Kutters henut un smiet dar, wor dat Water nich to deep is, ehre Sleppnetten ut, denn de Granaat leevt dicht över den sandigen Bodden. De Fang ward an Boord sorteert un kaakt. Na't Kaken seht de lüttjen Deerter nich mehr grau sünnern root ut.
Wenn de Fischers in ehre Havens trüggkaamt, staht an de Kais al de Afnähmers. Se kööpt sik en paar Liters von de smacklichen Meerfrücht un freut sik al up dat geneetliche Vertehren. Aver bit darhen is't noch wiet. De Granaat hett ene harde Schaal,de mit veel Feingeföhl in de Fingers afpuult weern mutt. De gröttste Deel von den Fang geiht an de Genossenschup. In besunnere Bedrieven ward de Granaat von flinke Froonslüüd in Akkordarbeid utpuult. De „Gammel“, dat is dat, wat överblifft, ward to Höhnerfoor verarbeidt. Ümmer wedder hebbt Klüterers versocht, ene Granaatpuulmaschien to boen, aver bitlang is noch nix darbi rutkamen, wat bruukbaar weer.
