സാമ്പാര്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
സാമ്പാര്‍ തെക്കേ ഇന്ത്യയിലെയും ശ്രീലങ്കയിലെയും ഒരു പ്രധാനകറിയാണ്.തുവരപ്പരിപ്പ്, പച്ചക്കറികള്‍,പുളി,എന്നിവയാണു സാമ്പാറിന്റെ പ്രധാന ചേരുവകള്‍. കായം,കറിവേപ്പില,ഉലുവ, മുളക്,മല്ലി ചേര്‍ത്താണ് സാമ്പാറിനു വേണ്ട മസാല തയ്യാറാക്കുന്നത്. ചോറും സാമ്പാറും ഉച്ചയൂണിന് ഉത്തമമാണ്. പ്രാതലിന് സാമ്പാറും ഇഡ്ഡലിയും,സാമ്പാറും വടയും,സാമ്പാറും ദോശയും എന്നിവ നല്ല വിഭവങ്ങളാണ്. പരിപ്പില്ലാതെ സാമ്പാറിന്റെ മറ്റു ചേരുവകളും ചിലപ്പോള്‍ മീനും കൂടി ചേര്‍ത്തുണ്ടാക്കുന്ന കറിയെ തമിഴ്നാട്ടില്‍ കൊഴമ്പ് എന്നു വിളിക്കുന്നു. മോര്‍ കൊഴമ്പ്, വെത്തക്കൊഴമ്പ്, രസവാങ്കി, എന്നിങ്ങനെ കൊഴമ്പിന്റെ വകഭേദങ്ങളുണ്ട്. സാമ്പാറിലെ ചേരുവകളിലെ ചെറിയ വ്യത്യാസങ്ങള്‍ പോലും രുചിയില്‍ വലിയ വ്യത്യാസങ്ങളുണ്ടാക്കുന്നു.
കര്‍ണാടകയിലെ സാമ്പാറില്‍ ശര്‍ക്കരയില്‍ നിന്നുണ്ടാക്കുന്ന പഞ്ചസാര ചേര്‍ക്കുന്നതുകാരണം കന്നട സാമ്പാര്‍ മധുരിക്കും. സാമ്പാറും ചോറും കേരളത്തിലെ സദ്യവട്ടങ്ങളിലെ ഒരു പ്രധാന വിഭവമാണ്. സാമ്പാറു കൂട്ടി ഒരു വട്ടം ഊണു കഴിഞ്ഞിട്ടേ മലയാളികള്‍ മോരുകൂട്ടി ചോറു കഴിക്കാറുള്ളൂ.
