ലേവ്യര്‍

വിക്കിപീഡിയ, ഒരു സ്വതന്ത്ര വിജ്ഞാനകോശം.

അബ്രാഹമിന്റെ മകനായ യാക്കോബിനു ലെയായില്‍ ജനിച്ച മൂന്നാമത്തെ മകനാണു ലേവി. ലേവിയുടെ സന്തതിപരമ്പരയാണ് ലേവി ഗോത്രം അഥവാ ലേവ്യര്‍ എന്നറിയപ്പെടുന്നത്. ഇസ്രായല്‍ ജനത്തിനു ദൈവം കല്പിച്ച ആചാരാനുഷ്ടാനങ്ങളും, ശുശ്രൂഷകളില്‍ പ്രമുഖസ്ഥാനം വഹിയ്കുന്ന ലേവ്യരുമാണ് ഈ ബൈബിള്‍ പഴയനിയമത്തിലെ മൂന്നാമതായ ഈ ഗ്രന്ഥത്തിന്റെ മുഖ്യ പ്രതിപാദ്യ വിഷയം.

[തിരുത്തുക] സംഗ്രഹം

ദൈവത്തിന്റെ ജനം പരിശുദ്ധമായിരിക്കണം. “നിങ്ങള്‍ പരിശുദ്ധരായിരിക്കുവിന്‍, എന്തെന്നാല് നിങ്ങളുടെ ദൈവവും കര്‍ത്താവുമായ ഞാന്‍ പരിശുദ്ധനാണ്”, ആവര്‍ത്തിച്ചുകാണുന്ന ഈ വാക്യം ഈ ഗ്രന്ഥത്തിന്റെ കാതലായ ആശയം വ്യക്തമാക്കുന്നു. ബലികളും മറ്റ് ആരാധനാനുഷ്ഠാനങ്ങളും വഴിയാണ് ജീവിതവിശുദ്ധി കൈവരിക്കേണ്ടത്. ബാഹ്യമായ ഈ അനുഷ്ഠാനങ്ങള്‍ ആന്തരികവിശുദ്ധിയുടെ അടയാളമാണ്. എങ്കിലും ഇവ കൊണ്ടുമാത്രം മനുഷ്യനു വിശുദ്ധി പ്രാപിക്കാമെന്ന ചിന്താഗതി യഹൂദര്‍ക്ക് ഉണ്ടായിരുന്നു എന്ന ധാരണ ഈ ഗ്രന്ഥം വായിക്കുന്നവര്‍ക്ക് ഉണ്ടാവാം. ബാഹ്യമായ ശുദ്ധിക്കും അശുദ്ധിക്കും ലേവ്യഗ്രന്ഥം വളരെ പ്രാധാന്യം കല്പിക്കുന്നു. വിവിധരോഗങ്ങള്‍, അംഗവൈകല്യം, ശാരീരികമാലിന്യങ്ങള്‍ എന്നിവയെല്ലാം മനുഷ്യനെ അശുദ്ധനാക്കുമെന്നു കരുതിയിരുന്നു. കൂടാരങ്ങളില്‍ ഒരുമിച്ചു പാര്‍ത്തിരുന്ന ജനത്തിന്റെ പ്രത്യേക സാഹചര്യങ്ങള്‍ കണക്കിലെടുത്തുവേണം ഈ നിയമങ്ങളെ വിലയിരുത്താന്‍. അനുഷ്ഠാന വിധികളില്‍ വരുന്ന വീഴ്ചകളെല്ലാം കുറ്റകരമായി അവര്‍ കരുതി. ശുദ്ധീകരണകര്‍മ്മങ്ങളും ബലികളും വഴി ഇവയില്‍ നിന്നു മോചിതരാകേണ്ടിയിരുന്നു. ബലികളിലും ആരാധനകളിലും പ്രമുഖസ്ഥാനം ലേവ്യര്‍ക്കായതിനാല്‍ പ്രധാനമായും ലേവ്യരെക്കുറിച്ചാണ് ഈ ഗ്രന്ഥം പ്രതിപാദിക്കുന്നത്.

[തിരുത്തുക] ഉള്ളടക്കത്തിന്റെ ഘടന

1-7	ബലിയര്‍പ്പണത്തെക്കുറിച്ചുള്ള നിയമങ്ങള്‍ [ ദഹനബലി, ധാന്യബലി, സമാധാനബലി, പാപപരിഹാരബലി, പ്രായശ്ചിത്തബലി ]
8-10	പുരോഹിതാഭിഷേകം [ അഹറോന്റെയും പുത്രന്‌മാരുടെയും അഭിഷേകം: അവരുടെ ആദ്യത്തെ ബലിയര്‍പ്പണം: നാദാബ്, അബിഹു എന്നിവരുടെ അവിഹിത ആചാരങ്ങള്‍ ]
11-15	ശുദ്ധീകരണനിയമങ്ങള്‍ [ ശുദ്ധവും അശുദ്ധവുമായ മൃഗങ്ങള്‍: വിവിധതരം അശുദ്ധികളും അവയില്‍നിന്നുള്ള ശുദ്ധീകരണവും ]
16	പാപപരിഹാരദിനം
17-27	ജീവിതവിശുദ്ധി [ ബലിമൃഗം, അതിന്റെ രക്തം, വിവാഹം, വിഗ്രഹാരാധന, അവിഹിതവേഴ്ചകള്‍, തിരുനാളുകള്‍, സാബത്തുവത്സരം ] ^[1]