പട്ടം താണുപിള്ള
വിക്കിപീഡിയ, ഒരു സ്വതന്ത്ര വിജ്ഞാനകോശം.
പട്ടം താണുപിള്ള (ജനനം - ജൂലൈ-15, 1885, മരണം - ജൂലൈ-27, 1970) വരദരായന്റെയും ഈശ്വരി അമ്മയുടെയും മകനായി തിരുവനന്തപുരത്തെ പട്ടത്ത് ജനിച്ചു. അദ്ദേഹത്തിന്റെ ശരിയായ പേര് എ. താണുപിള്ള എന്നായിരുന്നെങ്കിലും പട്ടം എന്നാണ് അദ്ദേഹം ജനങ്ങളുടെ ഇടയില്‍ അറിയപ്പെട്ടത്.
ഒരു ഉത്തരവാദിത്വമുള്ള സര്‍ക്കാരിനുവേണ്ടിയുളള പ്രക്ഷോഭം ദിവാന്‍ സി.പി.രാമസ്വാമി അയ്യരുടെ പുറത്താകലില്‍ കലാശിച്ചു. സര്‍. സി.പി. 1947 ആഗസ്റ്റ് 19ന് തിരുവിതാംകൂര്‍ വിട്ടു. 1948 മാര്‍ച്ച് 24-നു രൂപീകരിച്ച തിരുവിതാംകൂറിലെ ആദ്യത്തെ തിരഞ്ഞെടുക്കപ്പെട്ട സര്‍ക്കാരില്‍ പട്ടം പ്രധാനമന്ത്രിയായി [1] . എങ്കിലും സംസ്ഥാന കോണ്‍ഗ്രസ് പാര്‍ട്ടിയിലെ ഉള്‍പിണക്കങ്ങള്‍ കാരണം പട്ടം 1948 ഒക്ടോബര്‍ 17-നു രാജിവെച്ചു. 1949 ജൂലൈ 1 നു തിരുവിതാംകൂറും കൊച്ചി രാജ്യവും ഒന്നിച്ച് തിരു-കൊച്ചി സംസ്ഥാനം രൂപീകരിച്ചു. ഈ കാലയളവില്‍ പട്ടം കോണ്‍ഗ്രസ് വിട്ട് പ്രജാ സോഷ്യലിസ്റ്റ് പാര്‍ട്ടി (പി.എസ്.പി.) യില്‍ ചേര്‍ന്നു.രണ്ടാമത്തെ തിരു-കൊച്ചി തിരഞ്ഞെടുപ്പിനുശേഷം പട്ടം തിരു-കൊച്ചി സംസ്ഥനത്തിന്റെ മുഖ്യമന്ത്രിയായി തിരഞ്ഞെടുക്കപ്പെട്ടു. 1954 മാര്‍ച്ച് 3 മുതല്‍ 1955 ഫെബ്രവരി 2 വരെ അദ്ദേഹം ഒരു കൂട്ടുകക്ഷി സര്‍ക്കാരിനെ നയിച്ചു. കേരള സംസ്ഥാനം 1956 നവംബര്‍ 1 നു രൂ‍പീകൃതമാവുകയും (കേരളസംസ്ഥാന പിറവി കാണുക സംസ്ഥാനം രാഷ്ട്രപതി ഭരണത്തിന്‍ കീഴിലാവുകയും ചെയ്തു. 1957 മാര്‍ച്ചില്‍ നടന്ന കേരള സംസ്ഥനത്തിലെ ആദ്യത്തെ തിരഞ്ഞെടുപ്പില്‍ കമ്യൂണിസ്റ്റ് പാര്‍ട്ടിക്കു ഭൂരിപക്ഷം ലഭിക്കുകയും ഇ.എം.എസ് നമ്പൂതിരിപ്പാട് കേരളത്തിന്റെ ആദ്യത്തെ മുഖ്യമന്ത്രിയായി തിരഞ്ഞെടുകയും ചെയ്തു. (1957 ഏപ്രില്‍ 5 മുതല്‍ 1959 ജൂലൈ 31 വരെ). ആദ്യത്തെ കേരള നിയമസഭയിലേക്ക് പട്ടം തിരുവനന്തപുരം-2 നിയോജകമണ്ഡലത്തില്‍ നിന്ന് പി.എസ്.പി. സ്ഥാനാര്‍ത്ഥിയായി തിരഞ്ഞെടുക്കപ്പെട്ടു. വിമോചന സമരത്തെ തുടര്‍ന്ന് ഇ.എം.എസ് മന്ത്രിസഭ പുറന്തള്ളപ്പെട്ടു. 1960-ല്‍ നടന്ന തിരഞ്ഞെടുപ്പിനെ തുടര്‍ന്ന് പട്ടം താണുപിള്ള ഒരു കൂട്ടുകക്ഷി സംവിധാനത്തെ പ്രതിനിധീകരിച്ച് കേരളത്തിന്റെ രണ്ടാമത്തെ മുഖ്യമന്ത്രിയായി. അദ്ദേഹം 1960 ഫെബ്രവരി 22 മുതല്‍ 1962 സെപ്തംബര്‍ 9 വരെ കേരളത്തിന്റെ മുഖ്യമന്ത്രിയായിരുന്നു. അദ്ദേഹം 1962 ഇല്‍ പഞ്ചാബ് ഗവര്‍ണറായി സ്ഥാനമേറ്റു. 1964 മെയ് 4 മുതല്‍ 1968 ഏപ്രില്‍ 11 വരെ അദ്ദേഹം ആന്ധ്രാപ്രദേശ് ഗവര്‍ണറായിരുന്നു.
[തിരുത്തുക] അനുബന്ധം
[തിരുത്തുക] അവലംബം
| കേരളത്തിലെ മുഖ്യമന്ത്രിമാര്‍ |
|---|
|
ഇ എം എസ് നമ്പൂതിരിപ്പാട് • പട്ടം താണുപിള്ള • ആര്‍ ശങ്കര്‍ • സി.അച്യുതമേനോന്‍ • കെ കരുണാകരന്‍ • ഏ കെ ആന്‍റണി • പി.കെ.വാസുദേവന്‍ നായര്‍ • സി.എച്ച്. മുഹമ്മദ്കോയ • ഇ.കെ.നയനാര്‍ • ഉമ്മന്‍ ചാണ്ടി • വി.എസ്. അച്യുതാനന്ദന്‍ |
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍)
