ആര്. രവീന്ദ്രവര്മ്മ
വിക്കിപീഡിയ, ഒരു സ്വതന്ത്ര വിജ്ഞാനകോശം.
മവേലിക്കര സ്വദേശിയായ രവിന്ദ്രവര്മ്മ കേരള പാണിനി എ.ആര്. രാജരാജവര്മ്മയുടെ കൊച്ചുമകനാണ്. പ്രമുഖ ഗാന്ധിയനും സ്വാതന്ത്ര്യസമര സേനാനിയുമായിരുന്ന മുന് കേന്ദ്രമന്ത്രി ആര്.രവിന്ദ്രവര്മ്മ. വിശ്വയുവകേന്ദ്രയുടെ ചെയര്മാനും മാനേജിങ് ട്രസ്റ്റിയും, ഗുജറാത്ത് വിദ്യാപീഠം ചാന്സലര്,ഗാന്ധിസ്മാരക നിധി ചെയര്മാന് എന്നി സ്ഥാനങ്ങള് വഹിച്ചിരുന്നു. 1962-ല് തിരുവല്ല മണ്ഡലത്തില്നിന്ന് ആദ്യമായി കോണ്ഗ്രസ് ടിക്കറ്റില് പാര്ലമെന്റിലേക്ക് തിരഞ്ഞെടുക്കപ്പെട്ടു. മഹാരാഷ്ട്രയില്നിന്നും ബിഹാറില്നിന്നുമായി പിന്നീട് രണ്ടു തവണ കൂടി ലോക്സഭയിലേക്ക് തിരഞ്ഞെടുക്കപ്പെട്ടിട്ടുണ്ട്. 1977-ലെ മൊറാര്ജി ദേശായി മന്ത്രിസഭയില് തൊഴില്മന്ത്രിയായിരുന്നു ആര്.രവിന്ദ്രവര്മ്മ. 1992-ല് എ.ബി. വാജ്പേയി സര്ക്കാര് രൂപം നല്കിയ രണ്ടാം ദേശീയ ലേബര് കമ്മീഷന്റെ ചെയര്മാന് രവിന്ദ്രവര്മ്മയായിരുന്നു. വേള്ഡ് അസംബ്ലി ഓഫ് യുത്ത് എന്ന അന്താരാഷ്ട്ര സംഘടനയുടെ ആദ്യത്തെ ഇന്ത്യന് പ്രസിഡന്റായിരുന്ന രവിന്ദ്രവര്മ്മ യുത്ത് കോണ്ഗ്രസിന്റെ സ്ഥാപകനേതാക്കളില് ഒരാളുമാണ്. 2006 ഒക്ടോബര് 9ന് രവിന്ദ്രവര്മ്മ അന്തരിച്ചപ്പോള് അദ്ദേഹത്തിന് 81 വയസ്സായിരുന്നു