Св.Кирил и Методиј
Од Википедија, слободна енциклопедија
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.
Кирил (Константин Филозоф)и Методиј се основоположници на словенската писменост и култура. За животот и дејноста на словенските просветители најголем број податоци добиваме од делата Панонски легенди, Климентовото житие од Теофилакт, Климентовото житие од Хоматијан, О'писменех од Црноризец Храбар.
Константин кој подоцна за замонашува и го добива името Кирил е роден 826 или 827 година. Уште како мал пројавил наклоност кон науката, и своето образование го стекнал во Цариград во прочуената Магнаурска школа. По завршувањето на школувањето ја прима должноста на учител по филозофија и бидејќи многу се истакнувал додека ја вршел оваа должност ќе го добие епитетот Филозоф, кој ќе стане неразделен дел од неговото име.
Како високо образована и талентирана личност на Кирил ќе му бидат доделувани многу тешки и одговорни задачи од страна на византискиот двор. Најпрвин бил испратен во мисија кај Сарацените (Арапите) во Багдад, која како и Хазарската и Моравската мисија претставувале дел од политичката програма на Византија, чија основна цел е да ги христијанизира Сарацените, Хазарите, Моравските Словени, Бугарите, Русите и другите народи на исток и север од Византија и да им ја наметне византиската црковна власт.