Боливар (марка на пури)

Од Википедија, слободна енциклопедија

'Боливар (шпански: Bolívar) е име на две марки на врвни пури, од кои едната се призоведува во Куба за Хабанос СА, кубанската државна тутунска фирма, додека другата се произведува во Доминиканската Република од доминикански и никарагвански тутун за фирмата Џенерал Сигар. Двете марки го носат името на славниот јужноамерикански револуционер Симон Боливар.

Логото на Боливар

Содржина

1 Историја
- 1.1 Витоли на кубанскиот Боливар
2 Видете исто така
3 Надворешни врски

[уреди] Историја

Марката е основана (можеби во Велика Британија) од Хозе Ф. Роча околу 1901 или 1902, иако истата не била регистрирана во Хавана, Куба сè до 1921 во сопственост на неговата фирма, J.F. Rocha y Cia.

Во тоа време, Боливар ја произведувале најмалата пура во светот, наречена Делгадо, со само 1 7/8 инчи и пречник од 20, која ја имала честа да биде поставена како дел од куќата за кукли во кралската детската соба во замокот Виндзор.

Во 1954 марката ја купуваат Сифуентес и Сиа и по смртта на Роча производството се релоцира во славната фабрика на Партагас во Хавана (денешна фабрика „Francisco Pérez Germán“), каде многу од витолите се произведуваат и денес. Токму во ова доба, под водство на Сифуенте, Боливар станала светска марка.

По национализацијата на тутунот со Кубанската револуција, семејството Сифуентес морало да се пресели во Доминиканската Република, каде патронот на семејството, Рамон Сифуентес, сеуште произведува пури од марките Партагас и Боливар за Џенерал Сигарс и пазарот во САД. Во поскоро време, карактеристиките на доминиканскиот Боливар бил променети за да одговараат на јачината на јачината на нивните кубански истоименици.

Кубанскиот Боливар е познат меѓу познавачите на пури како најсилната и најинтензивната пура. Најпознати примери од марката се пурите Coronas Junior, Petit Coronas и Belicosos Finos. Во 2002, со купувањето на дел од акциите на државната фирма Хабанос СА од страна на Алтадис марката доживела ред промени. Едно од решенијата на Алтадис било извесни марки да станат само машински а извесни само рачно изработени. Боливар, кој историски произведувал пури по секој можен метод, тогаш изгубил доста од своите витоли. Останува да се види решението за начинот на изработка на пурите од оваа марка.

Во 2005, Хабанос СА произвеле неколку илјади кутии „Боливар Златни Медали“ (Bolívar Golden Medals) за една продавница за пури во Келн, Германија. Овие пури се постара големина вон производство, во форматот Cervantes (лонсдејл), обвиткани во златна фолија до половина и одбележани со посебна Боливар бандерола по средината. Секоја кутија има по 10 пури.

Две кутии „Боливар Златни Медали“

[уреди] Витоли на кубанскиот Боливар

Еве листа на витоли (големини) на пури од марката Боливар изразени во англиски и метрички должини, нивното vitolas de galera (фабричко име), и нивното конвенционално име (според американскиот сленг).

Рачно изработени витоли

Belicoso Fino - 5 1/2" x 52 (140 x 20.64 mm) Кампана, беликосо
Corona Gigante - 7" x 47 (178 x 18.65 mm) Хулиета, черчил
Churchill - 7" x 47 (178 x 18.65 mm) Хулиета, черчил
Corona Extra - 5 5/8" x 44 (143 x 17.46 mm) Франциско, долга корона
Inmensa - 6 3/4" x 43 (170 x 17.07 mm) Далиа, лонсдејл
Royal Corona - 4 7/8" x 50 (124 x 19.84 mm) Робусто, робусто или ротшилд
Corona - 5 5/8" x 42 (142 x 16.67 mm) Корона, корона
Petit Corona - 5 1/8" x 42 (129 x 16.67 mm) Марева, мала корона
Bonitas - 5" x 40 (126 x 15.87 mm) Лондрес, мала корона
Corona Junior - 4 3/8" x 42 (110 x 16.67 mm) Минуто, мошне (фр. tre) мала (фр. petit) корона
Tubo No. 1 - 5 5/8" x 42 (142 x 16.67 mm) Корона, корона
Tubo No. 2 - 5 1/8" x 42 (129 x 16.67 mm) Марева, мала корона
Tubo No. 3 - 4 7/8" x 34 (125 x 13.49 mm) Пласера, мошне (tre) мала (petit) корона