Wecken
Van Wikipedia
- Dit artikel is gesjreve in 't Sjènnes. 't Weurt gewaardeerd óm in dit artikel woe meugelik 't Sjènnes aan te hawte.
Wecken is 't inmaake van fruit wie bieveurbeeld Rèngeloate, aardbeie etc. Wecken wörd auch waal inmaake geneump.
Bie 't wecken geit men es volg te wirk:
Es aesjte ware de weckpöt good ontsjmet door dees zuuver te make mèt soda. Daonao waere de pöt gevuld mèt de in te make laevensmiddele wie gekaokte greunte, vruchte, vleisj etc. De flesje waere aafgesjloate mèt eine glaaze dèksel, en tössche de flesj en de dèksel kömp eine röbbere rink, de weckrink, om de dèksel op ziene plaatsj te hauwte. Dèzze dèksel wördt op zien plaatsj gehauwte door eine iezere beugel. Nao 't sjleete waere de pöt 'n tiedje in bienao kaokend water gezat. Hiedoor kènt de loech oet de flesj, zoadat in de flesj ein vacuüm ontsjteit. De beugel veurkömp dat de dèksel van de flesj kènt gaon. Es de fles is aafgekeuld kènne de beugels waere weggehaold. Es de pot dan ein sissend geluid mak, dan is dat ein teike dat 't inmaake neet good is gelök. Gein sissend geluid? Dan is 't inmaakte gelök, en zeen de laevensmiddele veur lange (einige jaore) geconserveerd. Es men de weckflesj aope wilt maakte, dan mot men aan het lipje van de röbbere rink trèkke, hiedoor wörd dan 't vacuüm verbroake wat de dèksel sjtevig op zienne plaatsj heel.
