Wilson Pickett

Vu Wikipedia, der fräier Enzyklopedie.

De Wilson Pickett (gebuer den 18. Mäerz 1941 zu Prattville, Alabama, gestuerwen den 19. Januar 2006 un engem Häerzschlag zu Reston (Virginia), war e Soul- a Rhythm and Blues-Sänger, deen duerch Stécker wéi In the Midnight Hour, Land of 1000 Dances, Mustang Sally a Funky Broadway bekannt gouf.

Inhaltsverzeechnes

1 Säi Liewen
2 Discographie
- 2.1 Albumen
- 2.2 Titelen
3 Um Spaweck

[Änneren] Säi Liewen

De Wilson Pickett, jéngst vun 11 Kanner, hat eng schwéier Kandheet, an huet seng Carrière als Sänger am Chouer vun der Baptistekierch vu Prattville ugefaangen. Hien ass op Detroit geplënnert an huet do eng Gospel-Band gegrënnt. Geschwënn dono ass hien der R&B-Band, The Falcons bäigetrueden, déi e Sänger gesicht hunn. 1963 huet en eng Solocarrière ugefaangen.

Mëtt der 1960er Joren hëllt heen am Stax Records-Studio vu Memphis mat vu senge bekannste Stécker op: In the Midnight Hour, Don't Fight It, 634-5789 a Ninety-Nine and One-Half (Won't Do), déi dräi lescht hat en zesumme mam Eddie Floyd a Steve Cropper geschriwwen.

An de Fame-Studioen an Alabama huet en e bësse méi spéit weider Succèsen opgeholl, dorënner Mustang Sally, Funky Broadway, a Land of 1000 Dances.

Och fir aner bekannten Artisten huet e Stécker geschriwwen, dorënner Led Zeppelin, Van Halen, d'Rolling Stones, Aerosmith, The Grateful Dead, Genesis, Creedence Clearwater Revival, Roxy Music oder de Bruce Springsteen.

Bis 1971 huet hie weider Erfolleg, ënnert anerem mat enger Reprise vun Hey Jude vun de Beatles. Hien huet och Everybody needs somebody to love, opgeholl, dat d'Stones an d'Blues Brothers spéider gecovert hunn.

1973 huet en d'Plackefirma gewiesselt, virun Albumen opgeholl, mee konnt net méi un de Succès vu virdrun uknäppen. Et huet ee virun allem nach vun him héieren, wann e wéint Kläppereien oder Fueren ënner Alkoholafloss viru Geriicht stong.