Wesertalspär

Vu Wikipedia, der fräier Enzyklopedie.

Weesertalspär vu riets gesinn

D' Wesertalspär bei Eupen (fr: Barrage de la Vesdre oder och nach Barrage d'Eupen) ass dee gréisste Drénkwaasserreservoir an der Belsch. Et ass och eng Touristenattraktioun am däitsch-belschen Naturpark Héicht Venn.

Mat dem Bau vun der Staumauer gouf 1936 ugefaang a si gouf 1950 ageweit.

De Stauséi gëtt vun zwou Baache beliwwert: der Weser an der Getz déi am Fong am Stauséi zesumme lafen. D'Mauer selwer steet um Laf vun der Weser. Dës Stauanlag gouf haaptsächlech opgeriicht fir d'Drénkwaasser an der Géigend ze garantéieren a fir d'Weeser ze régléieren an sou ëmmer genuch Waasser fir d'Industrie flossaf prett ze hunn.

[Änneren] Technesch Daten

Staumauer, Pegelstand

Waasserfläch: 126 ha bei Vollstau
Faassungsverméigen: 25 Millionen m³
Anzochsgebidd: 10.595 ha
Héicht vun der Mauer: 66 m inklusiv Fëllement
Miereshéicht vun der Kroun: 362 m i.NN
Längt vun der Kroun: 410 m
Max. Héichwaasserstand: 361 m i.NN

D'Staumauer ass eng Gewiichtsstaumauer.

[Änneren] Wasserversuergung an der Géigend

Gedenktafel vun der Aweihung

All Dag produzéiert d'Weesertalspär 82.500m³ Drénkwaasser, a beliwwert domat d'Géigend vun Herve, d'Faubourge vu Léck an d'Stad Spa. Dat fäerdegt Drénkwaasser gëtt an enger grousser ënneriirdescher Zëtär gespäichert. Duerch den onreglmässege Nidderschlag an dem héiche Venn muss ëmmer eng Mindestquantitéit gestaut bleiwe fir Qualitéit vum Waasser ze garantéieren. Bei Héichwaasser kënne bis zu 230 m3/s iwwerlafegelooss ginn.

[Änneren] Tourismus

Waasseropbereedungsanlage

Bei der Talspär ass ee Restaurant mat enger Terrass, een Aussichtstuerm, eng Spillplaz fir d'Kanner a vill Trëppelpied. Tafelen op engem Léierpad erkläre wéi d'Drénkwaasser gemaach gëtt.