Staatsgewalt
Vu Wikipedia, der fräier Enzyklopedie.
Als Staatsgewalt bezeechent een d'Ausübung vun der Muecht an engem Staat duerch déi staatlech Organer wéi z.B. d'Verwaltung, d'Police an d'Geriichter.
Zu Lëtzebuerg gëllt - wéi an allen demokratesche Staaten - d'Prinzip vun der dräifacher Gewaltendeelung, d.h. d'Staatsgewalt ass opgedeelt a Legislativ (Gesetzer maachen), Exekutiv (Gesetzer ausféieren) a Judikativ (Geriichter). D'Wuert Gewalt gëtt hei a senger e wéineg vereelster Bedeitung vu Muecht bzw. Herrschaftsmuecht gebraucht. De Montesquieu, op deen eis heiteg Form vu Gewaltendeelung zeréckgeet, schwätzt am franséischen Original vun distribution des pouvoirs, also vun Opdeelung vun der Muecht.
Bal d'selwescht kléngt den Terme Gewaltmonopol vum Staat, mee dee betrëfft déi aner Bedeitung vum Wuert Gewalt: D'Ausübung vu kierperlechem oder polizeilechem Zwang.
A Groussbritannien bedeit d'Wuert government net nëmmen Regierung, mee och nach Staatsgewalt; an den USA bedeit government esouguer bal nëmmen nach Staatsgewalt; d'Exekutiv gëtt meeschtens administration genannt. Am Frankräich ka gouvernement souwuel Regierung wéi och Staatsgewalt bedeiten, während a Kanada gouvernement normalerweis just Regierung heescht.
[Änneren] Links
[Änneren] Intern
- Vollekssouveränitéitsprinzip
- Federalismus
- Gewaltendeelung
- Gewaltmonopol
