Pall
Vu Wikipedia, der fräier Enzyklopedie.
D' Pall ass e belsch-lëtzebuergeschen Wasserlaaf dee seng Quellen an der Belsch tëschent Bunnert an Tontel huet.
Si leeft zu Uewerpallen um Diggel an d'Land a kritt nodeem se laansch d' Päiffeschmillen gelaf ass op der lénkser Säit Gesellschaft vun der Péilz. Vun do leeft se weider no Osten a Richtung Liewel, wou se just virdrunn op der rietser Säit vun der Merelbaach gefiddert gëtt.
Bei Nidderpallen leeft riets dann nach d'Näerdenerbaach dran, a si selwer leeft gläich duerno zu Räichel an d'Atert.
- Héicht op der Quell: 325 m NN.
- Héicht beim Zesummelaf mat der Atert: 252 m.
- Längt: 10.600 m. dovun 1.400 an der Belsch.
Hirt relativ staarkt Gefäll a gläichméissege Waasserdebit vun hire Quellen an dee vun hiren Zouflëss, (all aus der Couche vum Lëtzebuerger Sandsteen) hunn ët méiglech gemaach, datt en etlech Mille laanscht d'Pall konnten ugedriwwe ginn.
Vun uewen no ënnen waren dat:
- an der Belsch:
- 2 Millen op der Platinerei bei Tontel. Eng ass nach bewunnt, di anner läit a Stécker do.
- D' Grubermillen just op der Grenz. Haut ass do eng Pompelstatioun fir d'Drénkwaaser vun der Areler Gemeng.
- am Lëtzebuergeschen
- D'Millen zu Uewerpallen Päiffeschmillen sou genannt nom ale Besëtzer Peiffer. Haut wunnt e Kandskand vum fréiere Besëtzer dran, an dat ass amgaangen d'Millen komplett ze restauréieren.
- D'Mille vu Liewel
- D'Mille vun Nidderpallen
