NATO Response Force
Vu Wikipedia, der fräier Enzyklopedie.
D’NATO Response Force (NRF) ass eng schnell Agrëffstrupp vun der NATO.
Am Kader vun hirer Ëmstrukturéierung an der Upassung un nei Erausfuederungen nom Enn vum Kale Krich huet sech d’Nordatlantesch Allianz fir den Opbau vun enger Agrëffstrupp (Response force) entscheed, déi bannent fënnef Deeg komplett asazbereet op der Plaz ka sinn a bis zu 30 Deeg laang autonom am Asaz bleiwe kann. Dës Trupp soll am Kader vu Missiounen vun de Vereente Natiounen an der NATO mat Aufgabe wéi friddenssëcherenden a friddensschafende Moossnamen, der Evakuéierung vun Zivilisten oder der Iwerwaachung vun Embargoe betraut ginn.
[Änneren] Bestanddeeler vun der NRF
D'NATO-Memberstaaten bedeelegen sech mat verschiddenen Eenheeten an der NRF an zu ënnerschiddlechen Ausmoossen. Si steieren heibäi Land-, Loft- an Séisträitkräfte bäi. Fir d'Belaaschtung vun enger Dauerasazbereetschaft ze vermeiden, gouf e Rotatiounssystem agefouert, dee siwen Operatiounsbereetschaften vun je sechs Méint ëmfaasst. Dës ginn duerchnummeréiert nom Schema NRF 1, NRF 2, asw. Nom Ooflaf vu siwen Operatiounsbereetschaftsperiode gëtt erëm vu vir ugefaangen, d.h. NRF 8 entsprécht am Groussen a Ganzen der NRF 1.
D'Lëtzebuerger Arméi huet wëlles, sech an absehbarer Zäit dëser Trupp aktiv unzeschléissen.
