Kreios
Vu Wikipedia, der fräier Enzyklopedie.
De Kreios och Krios (gr. , Κριως) war ee vun den Titanen. Am Géigesaz zu 4 vu sénge Bridder huet hien net ent vu sengen eegene Schwësteren zur Fra geholl (wéi och säi Brudder Iapetos, mee d'Eurybië, Meedche vum Gaia a Pontos mat der en d'Kanner Astraios, Pallas a Perses hat.
[Änneren] Geschicht
Iwwert de Kreios ass net vill iwwerliwwert. Wahrscheinlech hat hien eng Plaz ënnert de Stären als Konstellatioun Widder (gr. Krios). Dës Konstellatioun war déi éischt déi, dem griichesche Kalenner no, am Ufank vum Joer um Himmel opgaangen ass. D'Griichen hunn duerfir och gegleewt dat de Kreios fir d'Joreszyklen zoustänneg war, sou wéi säi Brudder Hyperion fir d'Mount- an Dageszyklen.
Nom Krich tëscht den Olympier an den Titanen (Titanomachie) ass de Kreios zesumme mat senge Bridder Koios, Hyperion, Iapetos a Kronos an den Tartaros verbant ginn. Et kéint sinn dat de Kreios vum Zeus zu enger éiweger Aarbecht gezwonge ginn ass (sou wéi z.B. och den Atlas, nämlech d'Stäre-Konstellatiounen d'Joer duerch iwwert den Himmel ze féieren, respektiv duerch den Tartaros wann se hannert dem Horizont verschwannen.
Et gëtt ugeholl dat de Kreios a Widdergestalt duergestallt ginn ass, oder mat gedréinten Haren sou wéi z.B. de lybesche Gott Ammon.
