Grousse Brombaachséi
Vu Wikipedia, der fräier Enzyklopedie.
Grousse Brombaachséi | |
---|---|
Informatiounen | |
Numm: | Grousse Brombaachséi |
Lag: | Däitschland |
Fläch | 8,7 km² |
maximal Längt: | 5,1 km |
maximal Breet: | 2 km |
maximal Déift: | 32,5 m |
Héicht iwwert/ënnert NN: | 410,50 m |
Gréisser Uertschaft(en): | Nürnberg |
De Grousse Brombaachséi ass e Stauséi a Bayern (Däitschland).
De Séi ass de Kär vum Fränkesche Séeiland an ass haaptsächlech do fir Wasserstänn ze régléieren an Zäite wou et net sou vill reent (Nordbayern huet net vill Nidderschlag), an awer och fir wann et richteg schëtt dem Héichwasser aus de Féiss ze goen. En ass awer och eng Fräizäitplaz fir déi ganz Géigend.
[Änneren] Geographie
De Séi läit haaptsächlech am Landkrees Weißenburg-Gunzenhausen, (eng kleng Parti um nërdleche Séiuwänner gehéiert zum Landkreis Roth), an 37 km am Süde vu Nürnberg. E läit an engem groussen Dall, deen no Osten opgeet a ronderëm sinn iwwerall Bëscher.
Als Noperen huet en zwéi Séier déi méi héich leien, de Klenge Brombaachséi, an den Igelbaachséi. Dës zwéi si vun him duerch zwou Staumaueren (déi eng 18 m an déi aner 16 m héich) getrennt. Vun dësen am ganzen dräi Séien ass hien deen eenzegen, op deem e Schëff drop fiert d'MS Brombachsee.
E kritt säi Wasser aus den zwéin ieweschte Séien an no ënnen leeft e weider an de Brombach dee sälwer bei Pleinfeld an d'Schwäbische Rezat leeft.
Et ass ee wichtegt Noërhuelungsgebidd fir de Ballungraum Nürnberg. Et kann een dra schwammen, an drop segelen oder wandsurfen. Mat dem Trimaran MS Brombachsee kann een drop fueren.
[Änneren] Nopeschséien
- Altmühlséi
- Igelsbaachséi
- Klenge Brombachséi
- Rothséi
- Dennenloher Séi
- Hahnenkammséi
[Änneren] Literatur
- Talsperren in der Bundesrepublik Deutschland, Peter Franke, Wolfgang Frey, DNK - DVWK 1987, ISBN 3-926520-00-0
[Änneren] Um Spaweck
- Wasserwirtschaftsamt Ansbach
- Zweckverband Fränkisches Seenland
- Das Fränkische Seenland - Impressionen
- Tourismusverband Fränkisches Seenland
- zuzuku -Skulpturen im öffentlichen Raum- Informatiounen zu Skulpturen op de Brombaachséien