Frank Wilhelm
Vu Wikipedia, der fräier Enzyklopedie.
De Frank Wilhelm (gebuer den 11. September 1947 zu Iechternach) ass e lëtzebuergeschen Auteur a Literaturkritiker.
De Frank Wilhelm huet seng Doktoratsthese (1992) iwwert d'franséischsproocheg Literatur zu Lëtzebuerg geschriwwen. Hien ass Professer fir Franséisch am Lycée Classique Echternach, dono am Lycée Classique Diekirch an um Centre Universitaire de Luxembourg, säit 2003 op der Université du Luxembourg. Säi Fuerschungsschwéierpunkt ass de Victor Hugo, virun allem déi Zäit, déi hien zu Lëtzebuerg verbruecht huet, déi schonn ernimte franséischsproocheg Literatur zu Lëtzebuerg an d'Geschicht vun Iechternach.
Hie publizéiert am Cliärrwer Kanton, den Études romanes (vun deenen en den Éditeur ass), am forum, der Galerie, de Cahiers luxembourgeois, Nos cahiers, Ré-cré an der Revue luxembourgeoise de Littérature générale et comparée. Am Wort, am Tageblatt an am Jeudi schreift hie Chroniken. Och um Radio 100,7 huet hien eng Emissioun iwwer franséischsproocheg Auteuren vu Lëtzebuerg.
Verschidden Texter huet hien ënnert dem Pseudonym François Guillaume geschriwwen.
De Frank Wilhelm ass zënter 1996 Vize-President vun der 'Association des amis de la maison de Victor Hugo à Vianden' an huet grondleegend zu der moderner Muséographie vum renovéierten 'Musée littéraire Victor Hugo' zu Veianen bäigedroen.
