Christy Brown
Vu Wikipedia, der fräier Enzyklopedie.
De Christy Brown, gebuer de 5. Juni 1932 zu Crumlin, Dublin, a gestuerwen de 6. September 1981, war en iresche Schrëftsteller a Moler.
De Christy Brown war dat zéngt vun 22 Kanner, vun deenen der 13 d'Gebuert iwwerlieft haten. Hie war mat enger schwéierer Athetos op d'Welt komm, a konnt nëmmen zwou Zéiwe vu sengem lénke Fouss kontrolléiert bewegen. Dowéinst ass hie laang fir geeschteg behënnert gehale ginn bis datt hie senger Sëschter e Stéck Kräid mat sengem lénke Fouss gekropt huet, fir e Wuert ze schreiwen. Besonnesch duerch d'Hëllef vu senger Mamm, déi sech géint d'Doktere gestäipt huet, déi de Christy als onheelbare Fall an d' Psychiatrie wollte schécken, konnt hie sech no an no net nëmmen ausdrécken, mee zuguer geschriwwen Texten a Biller produzéieren. Zäitliewens huet hien nëmme mat sengem lénke Fouss konnte molen oder schreiwen.
Seng Autobiographie My Left Foot gouf en internationale Bestseller, deen a 14 Sproochen iwwersat gouf.
De Christy huet sech de 5. Oktober 1972 mat der Mary Carr bestuet, mat deeër hien eng Zäit zu Ballyheigue a Kerry an duerno zu Parbrook am Somerset gelieft huet, wou hien am Alter vun 49 Joer un enger Erstéckungskris gestuerwen ass.
[Änneren] Seng Bicher
- My Left Foot: Seng Autobiographie, 1954 erauskomm, wéi de Christy 22 Joer al war.
- Down All the Days: Dësen autobiographesche Roman koum 13 Joer nom My Left Foot eraus a spillt an de Véierzeger- an de Fofzegerjoren zu Dublin.
- Wild Grow the Lilies:
- Come Softly to My Wake: 1971 bei Secker & Warburg erauskomm, ass eng Sammlung vu senge Gedichter.
[Änneren] De Film
1989 huet den Jim Sheridan My Left Foot verfilmt. D' Dréibuch war vum Shane Connaughton. Den Hugh O'Conor (als Kand) an den Daniel Day-Lewis spillen de Christy an d' Brenda Fricker seng Mamm.
