Carolus Azelius Ciampus
E Vicipaedia
Carolus Azelius Ciampus (genitivo casu: Caroli Azeli Ciampi) anno MCMXX Labrone natus est et postea publica bona administrandi peritus et vir in Re Publica exercitatus factus est.
Carolus Azelius Ciampus Carlo Azeglio Ciampi Italice vocatur.
Iuventu Ciampus, in Schola Normali Superiore Pisae, Graecorum et Romanorum Litterarum atque Iuris Prudentiae doctoris insigne consecutus est; Secundo Totius Orbis Terrarum Bello e manibus Germanorum efugit et postea Labronicam Actionis Partis partitionem constituit.
Anno MCMXLVI Ciampus curator Italiae Argentariae Mensae Publicae operam dare cepit: anno MCMLXXVIII generalis moderator et anno proximo rector factus est.
Anno MCMXCIII Aprili mense per unum annum Ciampus praesidens consilii ministrorum delectus est.
Anno MCMXCVI Pecuniarum Rationis et Aerari Minister factus est, quamdiu anno MCMXCIX Rei Publicae praesidens electus est.
Anno MMVI Ciampus Praesidens iterum creari non voluit, ergo Senator in perpetuum evasit.
Praesides Rei Publicae Italianae
