Bazarcix
Ji Wîkîpediya
 |
Ev gotar ser Bazarcik (Pazarcik) navçeya Gurgumê (Mereşê) ye. Ji bo wateyên dina Bazarcix an Pazarcix, li Bazarcix (cudakirin) binêre. |
Bazarcix yek ji navçeyên Gurgumê ye. Navên wê yê di dema Osmaniyan de Aladînek e. Navê we yî herî kevn jî Baxnû ye. Dîroka wê gelekê kevn e. Bermahiyên b.z. 3.500-4.000´î hatine dîtin. Di dema Osmaniyan de sala 1870 bi tevî bajarê Gurgumê bi Helebê ve hatiye girêdan. Ji ber ku Kurdên herêmê hergav serî bi dewletê re dikişandin, Osmaniyan gelek caran sefer radikir ser herêmê. Gundê eşîra Kurd Sînemiliyan ên li ber Derya Spî gelek zilm ji Osmaniyan dîne. Herwekî herêma Bazarcixê jî.
Qereyilan ê ku Tirk wî wekî lehengê xwe nîşandidin jî ji Bazarcixê ye. Mele Mihemed (Karayilan) ji mezra Kurd Elîf a Bazarcixê ye û di sala 1888´î de ji dayîk bûye. Kazim Karabekîr (Atatûrk ew ji hole rakiriye, generalekî navdar ê wê demê ye) soz dide Mele Mihemed daku piştî derxistina Frensiyan dê mafê Kurdan bidin û gundên Kurdan ên li perê Derya Spî û Gurgumê bike bin fermandariya Mele Mihemed. Qereyilan ango Mele Mihemed bi vî awayî dest bi şerê Frensiyan dike û li Dîlokê navdar dibe. Mixabin wekî her carî Tirk dîsa Kurdan dixapînin.
Serhildanên Kurdên Derya Spî û yên eşîrên herêmê gelek in. Serhildana Bozan Beg (Bozo) di 1918 ´î de destpêdike gelek navdar e. Mixabin dîroknasên Kurdan li ser Serhildanên herêmê û Kurdên Derya Spî xebat nekirine.
Bazarcix di sala 1941´î de bi Gurgumê ve hatiye girêdan. Firehiya erdê navçeyê 1.710km2, bilindahî ji rûyê avê 850m ye. Hejmara niştecihên navendê (sala 2000´î) 24.374 û bi giştî jî 72.628 e.
