Medmaacher:Manes
Uß de Wikipedia för Ripuarisch Shprooche.
(mih kölsche Sigge)
un jeschrevve wie beim Wrede oder bei der Akademie för uns kölsche Sproch
(mih Sigge jeschrevve wie beim Wrede oder bei der Akademie för uns kölsche Sproch)
[Änndere] Manes
Manes es ene ahle Name, dä hückzedaach ni'mieh off vörkütt. Em Huhdeutsche dät mer en Hermann roofe. En Kultfijur es dä Speimanes (op huhdeutsch: Spuck-Hermann) us em Hännesje-Thiater. Dat Käälche hät e Pückelche und deit stottere. Un jedes Mol, wann he e wood met /p/ udder /b/ spreche deit, dann hät dä Poosch en feuchte Ussprooch. Ävver he es nit op dr Kopp jefalle. Dat jau Jöngelche hät et fuusdeck hinger de Ohre.
Jott sei Dank han ich kei Pückelche un ming Ussprooch es och nit feuch. Ävver av un aan höt ich jään däm Speimanes sing Schläu. ;-) --Manes 5. Feb 2006 15:53 (CET)
[Änndere] Jet Statistik
Die Lück, die hee op de ripoarische Wikkipedija alle naslang jet schriewe, fingk mer en dä Wikipedia-Statistik Ripuarian. --Manes 18:33, 30 Mëij 2006 (UTC)
[Änndere] Sprochzeddel
Wamer sich de Mundaatliteratur vun kölsche Autore aanluurt, dann jitt et kein einheitliche Schrievwies. De Rejele vun de Akademie weede nor zom Deil enjehalde. Der Haupungerschedd litt miestens bei dänne Buchstabe J un G.
Beim Wrede heiß et jevve, jon un jriefe. Bei de Akademie weed dat gevve, gonn un griefe jeschrevve. De Schrievwies vum Wrede hät sich bei dänne kölsche Mundaatautore durchjesatz. Op de ander Sigg han die Lück vun de Akademie jrammatikalische Rejele prima dokumenteet. (Verbe, Substantive, Artikele, Pronome, Adjektive, Adverbe, Präpositione un der janze Krom, dä en Jrammatik usmäht). Ich han jetz lang üvverlaht, wat för ene Sprochzeddel ich aan ming Attikele dranmaache soll. Ich jleuv, de schläächteste Lösung wör: ja keine Zeddel. Nä ... et sollt ald klor weede, dat hee Kölsch jeschrevve weed. Un ich ben jo och em Jroße un Janze met de Rejele vun de Akademie enverstande. Anstell vun däm G schriev ich ävver dat J (wie beim Wrede un wie bei de mietste vun de kölsche Mundaatdeechter). Deswäje han ich bei ming Attikele dä Zeddel met däm Kölsch vum Wrede oder de Akademie dranjemaat. --Manes 18:41, 11 Ojjoßß 2006 (UTC)
