ჯომოლუნგმა

ვიკიპედიიდან

ევერესტი
ევერესტი კალა-პათარიდან, ნეპალი
სიმაღლე	8.848
მდებარეობა	ნეპალი და ტიბეტი
ქედი	ხუმბუ ხიმალი
რანგი	1-ლი
კოორდინატები	27°59′16″N, 86°56′40″E
პირველი ასვლა	29 მაისი, 1953, ედმუნდ ჰილარი და ტენცინ ნორგაი
უმარტივესი მარშრუტი	სამხრეთი ფერდობი (ნეპალი)

ჯომოლუნგმა, ჩომოლუგმა, ევერესტი, უმაღლესი მთის მასივი დედამიწაზე, ჰიმალაის მთებში, ნეპალისა და ჩინეთის საზღვარზე. სიმაღლე 8848 მ. საფუძველი აგებულია კამნრიულისწინა გნაისებითა და გრანატებით, 7000 მ ზევით - მეზოზოური კრისტალური ფიქლებითა კირვებით. მასივიდან ყველა მხარეს ეშვება მყინვარები, რომელთა ბოლოები 5000 მ სიმაღლეზე მდებარეობენ. ჯომოლუნგმას აქვს პირამიდის ფორმა, სამხრეთი კალთა უფრო ციცაბოა, თოვლი და ფირნი არ ჩერდება და გაშიშვლებულია. ჯომოლუნგმა პირველად დაიპყრეს 1953 წლის 29 მაისს ჯ. ჰანტის ინგლისელი ექსპედიციის წევრებმა ნ. ტენცინგმა (ნეპალი შერპა) და ე. ჰილარიმ (ახალზელანდიელი ალპინისტი). 1982 წლის 4 მაისს ჯომოლუნგმას დაულაშქრავი მარშრუტით მიარწიეს საბჭოთა ალპინინსტებმა ვ. ბალიბერდინმა და ე. მისლოვსკიმ, იმავე ღამით (რაც უნიკალური შემთხვევაა ჯომოლუნგმაზე ასვლის ისტორიაში) მწვერვალი დალაშქრეს ს. ბერშოვმა და მ. ტურკევიჩმა.

ეს დაუსრულებელი სტატიაა მთების შესახებ. თქვენ შეგიძლიათ დაეხმაროთ ვიკიპედიას და შეავსოთ იგი.