Búðardalur
Úr Wikipediu, frjálsa alfræðiritinu
Búðardalur er bær í Dalasýslu með um 260 íbúa (1. desember 2003). Bærinn er innst í Hvammsfirði.
Í Laxdælasögu er Búðardalur nefndur, þar sem Höskuldur Dala-Kollsson lenti skipi sínu fyrir innan Laxárós er hann kom úr sinni síðustu Noregsferð.
Í Búðardal hófst verslun árið 1899 er Bogi Sigurðsson, kaupmaður, byggði þar fyrsta húsið, sem var bæði íbúðar- og verslunarhús. Þetta hús var síðar flutt á Selfoss og stendur þar enn. Í dag er verslun og ferðaþjónusta mikilvægasti atvinnuvegur bæjarins.
Eiríksstaðir, bóndabær Eiríks rauða, er ekki langt frá. Þaðan hélt Eiríkur áfram til Grænlands. Rétt utan við þorpið eru Höskuldsstaðir, þar sem Höskuldur Dala-Kollsson bjó og einnig Hjarðarholt, þar sem Ólafur pá bjó. Hallgerður langbrók og Ólafur pá voru börn Höskuldar á Höskuldsstöðum.
