Michael Jordan
From Wikipedia
Michael Jeffrey Jordan naskis ye 17 di februaro 1963 en Brooklyn, Nova-York. Pro saltiva esas konsideresita da multi kom la maxim bona korbobalonisti omnatempe. Michael kreskis en Willmington, Norda-Karolina ube balde ecelis kom yuna ludisto. Pose il ludis por la universitato de Norda-Karolina ed sucesis vinkar la nacionala konkurso ye 1982. Ye 1984, Jordan selektesis da Chicago Bulls en la draft dil NBA.
Michael ludis en Chicago Bulls dum 13 yari ed esis sisfoye championo dil NBA. Anke il nomizesis kinfoye la maxim valoroza ludisto dil konkurenco. Pos la ocido di sua patro ye 1993 til marto 1995, Michael retretis de la aktiva praktiko dil korbobalono, ma il retrovenis por ludar en Chicago Bulls til la abandono dil equipo ye 1999. Pose il okupis direktanta laboro en la equipo dil chefurbo, la Washington Wizards, ma ye 25 di decembro 2001, Michael anuncis sua retroveno a la ludeyo di Washington ube ludis ye du yari plusa.
Michael anke ludis kun usana nacionala equipo. Il esis olimpiala championo ye 1984, e ye 1992 kande la profesionala korbobalonisti aceptesis en l'olimpiala konkurso di korbobalono.
