Wikipedia:Recerca
De Wikipedia, le encyclopedia libere
Ecce infra alcun consilios super le facilitate de recerca que se trova in cata pagina de Wikipedia. (Isto es le quadro pro introducer texto con le buttones Ir e Cercar.)
In addition, il es possibile percurrer le titulos de tote le articulos existente con le lista alphabetic super le spatio nominal principal. Nota ben que a-z se assorti post A-Z, p.ex. Wikipedia se trova post WikiWiki.
[modificar] Le cerca pote haber inconsistentias
Il non ha garantia que le function de cerca functiona correctemente, e illo pote render resultatos inexpectate e incongruente.
[modificar] Cerca in Wikipedia con Google
Con le ligamines sequente es possibile cercar Wikipedia con le motor de recerca Google. Tu pote cercar in tote le Wikipedias, o solmente in Wikipedia in Interlingua. Google adde tote le articulos a su indice.
Google actualisa su indice circa un vice per mense. Le cerca se basa super le contento a ille tempore!
Iste cerca se basa super le texto como visualisate in le navigator, non super le texto-fonte que se trova in le quadro de redaction/editation de Wikipedia.
Il es plus rapide cercar con Google que con le sito de Wikipedia. Post que tu trova un articulo, tu pote optar pro vider le version actual o le version cachate per Google (plus vetule, ma possibilemente plus rapide).
- Cerca in tote le Wikipedias con Google (le major parte del linguas)
- Si tu usa Mozilla o un altere navigator del web basate super Mozilla como Galeon, tu pote traher e lassar cader le sequente ligamine como un Smart Bookmark a in tu camisa de barra de utensiles personal:
http://www.google.com/custom?hl=ia&domains=ia.wikipedia.org&sitesearch=ia.wikipedia.org&q=%s
[modificar] Barra de Utensiles Google
Si tu cerca frequentemente con Google, considera installar le Barra de Utensiles Google. Le button "Cerca sito" permitte cercar rapidemente le version in interlingua de Wikipedia (o in un altere lingua cuje sito tu visita).
Le Barra de Utensiles Google official es solmente pro Windows con Internet Explorer, ma il existe un version inofficial pro Mozilla que functiona in tote le systemas de operation in que Mozilla functiona.
[modificar] Facilitate de recerca de Wikipedia (alcun vices disactivate)
Ecce alcun consilios super le quadro de recerca que appare in cata pagina de Wikipedia (vide anque Wikipedia:Adjuta super le preferentias, le section "Configuration del resultatos de recerca", e Wikipedia:Button Ir).
[modificar] Limitation de resultatos
Alteremente que in per exemplo Google, le modo de cerca predefinite de Wikipedia rendera resultatos con qualcunque del parolas in tu consulta. Per exemplo, lingua auxiliar rende multe resultatos continente solmente "lingua" ma non "auxiliar" o solmente "auxiliar" ma non "lingua" in addition a illos que tu probabilemente voleva, continente ambe parolas.
Pro limitar le resultatos a illos que include tote le parolas, pone un signo "+" al initio de cata parola: +lingua +auxiliar retorna solmente paginas que contine tote le duo parolas, como le modo predefinite de Google.
In addition es possibile cercar un sequentia de parolas per includer le parolas inter virgulettas: "lingua auxiliar" rende un collection minus grande de resultatos, que non solmente ha ambe parolas ma tamben los ha in ordine.
Pro excluder resultatos que include alcun parolas pone un signo "-" al initio: lingua -auxiliar p.ex. pro cercar paginas super linguas non-auxiliar.
[modificar] Evita parolas breve e multo commun
Si tu parolas a cercar contine un parola breve e multo commun (tal como "le", "un", "tu", "plus", "que", "tal", etc.) le systema de cerca lo ignorara. Si tu include tal parolas, un recerca de sequentia o un recerca include-tote-le-parolas rende possibilemente nulle resultatos del toto. Breve numeros, e parolas que appare in le medietate de tote le articulos, equalmente non essera trovate. In tal caso, elimina ille parolas e re-executa le cerca.
Vide Wikipedia:Parolas cummun non cercabile pro le parolas que le base de datos filtra via. Ab ibi tu pote al minus vader a un articulo con un tal parola como le titulo. Si tu include le parola anglese commun not (non) in le consulta, le base de datos rende un error de syntaxe debite a un malfunctionamento in le software.
[modificar] Le cerca es indifferente a majusculas e minusculas
Tote le cercas "interlingua", "Interlingua" e "INTERLINGUA" rende le mesme resultatos.
[modificar] Wildcards
Es possibile usar wildcards, i.e. signos special que representa qualcunque characteres. Le documentation super isto es a completar. Interim, pro le detalios in anglese, cerca "fulltext search" a http://www.mysql.com/ e reguarda sub 'boolean search'. Nonobstante, le cercas con wildcards es plus lente. Per favor non supercarga le povre servitor.
[modificar] Parolas con signos de accento
In un cerca de un parola con un signo de accento, como Röntgen, le resultato depende super si iste ö es immagazinate como un singule character o como un entitate HTML (i.e. "ö"). In le prime caso on pote simplemente cercar "Rontgen" (o Röntgen); in le secunde caso illo pote solmente esser trovate per cercar "R", "ouml" e/o "ntgen". Isto es de facto un error que debe esser corrigite – le entitates debe esser interpretate a lor characteres correspondente a fin que tote le cercas de illos sia equivalente. Vide tamben Wikipedia:Characteres special.
[modificar] Parolas inter virgulettas singule
Si un parola in un articulo occurre inter virgulettas singule, tu pote solmente trovar lo si tu cerca le parola con le virgulettas. Proque isto es rarmente desirabile, il es melior usar virgulettas duplice in articulos, pro le quales iste problema non se manifesta. Vide Wikipedia:Manual de stilo pro plus informationes.
Un apostropho es identic a un virguletta singule, ergo Mu'ammar pote esser trovate cercante exactemente isto (e nihil altere). Un parola que fini in un apostropho e "s" (como in John's computer) es un exception: illo pote esser trovate tamben cercante le parola sin le apostropho e le s. (Isto es minus significative pro Wikipedia in Interlingua, in que iste construction grammatical anglese occurre rarmente.)
[modificar] Spatios nominal cercate per predefinition
Le function de cerca functiona solmente in le spatios nominal (name spaces) seligite in le preferentias. Pro cercar in altere spatios nominal, marca o dismarca le quadrettos in le quadro "Cerca in spatios nominal" que se trova al fundo de cata pagina de resultatos de recerca. Dependente del navigator, un quadretto pote ancora esser marcate post un cerca previe, ma sin esser plus effective! Pro assecurar un functionamento correcte, dismarca e remarca lo.
Un cerca del spatio nominal "Imagine" es un cerca del descriptiones del imagines, i.e. le prime partes del paginas de description del imagines.
[modificar] Redirectiones pote esser excludite
Marca o dismarca le quadretto "Include redirectiones" in le quadro "Cerca in spatios nominal" trovate al fundo de cata pagina de resultatos de recerca.
[modificar] Es recercate le texto-fonte
Le function de recerca cerca in le texto-fonte (i.e. in lo que on vide in le quadro de redaction, tamben appellate texto wiki). Iste distinction es significative pro ligamines de tubo, pro ligamines translingual (nota: cerca zh, non Zhongwen, pro trovar ligamines a articulos in chinese), characteres special (si ê es codificate como ê, illo es trovate con un cerca de eirc), etc.
[modificar] Retardo in le actualisation del indice de recerca
Pro rationes de efficacitate e de prioritate, modificationes multo recente non es sempre includite in cercas.
[modificar] Bookmarklets
en:User:AxelBoldt ha create alcun en:bookmarklets, ligamines (inter)active que se pone in le barra de utensiles personal, pro facilitar le cerca in Wikipedia. Illos se trova ci.
[modificar] Cerca automatic con Mozilla
Mozilla, Netscape 6/7, Beonex Communicator, e Mozilla Firebird ha un function denominate search plugins (extensiones pro cercar), que permitte que le barra lateral (sidebar) accede a un motor de recerca automaticamente. Tu pote installar le extension automaticamente ab le sito Mycroft project cercante "Wikipedia" ibi.
[modificar] Si tu non trova un pagina appropriate in Wikipedia
Si non existe un pagina appropriate in Wikipedia super le thema que tu desira, considera crear un pagina, viste que tu pote rediger Wikipedia immediatemente. O considera adder lo que tu cercava al pagina de articulos desirate.
