Convention Europee
De Wikipedia, le encyclopedia libere
Le Convention Europee, i.e. le convention del Consilio de Europa concernente le protection del derectos human e le libertates fundamental, esseva subsignate le 4 de novembre 1950 in Roma per dignitarios del statos-membros del Consilio de Europa. Pro membrato in le Consilio de Europa il es al presente obligatori ratificar le convention. Iste convention esseva constituite pro facer le Declaration Universal del Derectos Human [1] del NU prescribite per lege. Illo esseva fundamental pro le fundation del Consilio de Europa.
[modificar] Contento del convention
Le Convention Europee statue le sequente derectos human de cata persona.
Le derecto de cata persona al:
- vita
- libertate personal
- examine de corte e securitate juridic
- protection del vita private e domestic, domo e correspondentia
- derecto de pensamento libere, libertate de conscientia e libertate de religion
- libertate de reunion
- contracto de matrimonio e fundation de familia
- defensa contra offensas al libertates e derectos
Prohibition de exponer un persona al:
- tortura e tractamento inhuman
- sclavitude o labor fortiate
- judicio a punition sin supporto de lege o punition retroactive
- discrimination
In plus le convention es complite con dece-tres protocollos additive, i.a. re le pena de morte, derectos material e derecto de proprietate, derecto de inseniamento, e affaires de expulsion.
In caso de guerra, o altere stato de emergentia que menacia le existentia del stato, le stato ha le derecto de derogation, i.e. le derecto a derogar del deberes del convention con certe restrictiones. Iste derecto de derogation esseva demandate per Grecia post le colpo de stato le 21 de april 1967 ma illo non esseva acceptate.
Pecietta concernente politica
Iste articulo es ancora in stato embryonic: illo es un pecietta. Nos te invita cordialmente a completar lo pro meliorar Wikipedia in Interlingua.
