Compiere
De Wikipedia, le encyclopedia libere
Compiere es un pacco de software libere pro gerer le transactiones commercial de un interprisa. In le programma es includite le planamento de ressources de interprisa e le gestion de relationes de cliente. Compiere es intendite pro interprisas de grandor parve e medie.
Le programma e le codice-fonte es providite a base del licentia Mozilla Public License version 1.1. Compiere pote esser personalisate e extendite intra le programma e per medio de adder modulos de software. Pro moneta es disponibile documentation e contractos de supporto.
[modificar] Architectura
Compiere provide plure visualisationes de information de interprisa a base del detalios del transactiones. Iste structura permitte un maxime flexibilitate e facile integration de information supplemental externe. Le information es presentate simplemente como visualisationes que pote esser cambiate flexibilemente secundo le necessitates del interprisa.
Compiere es basate in le concepto de "Active Data Dictionary" (ADD), que assecura un adaptation facile e aspecto consistente trans omne modulos. Le "dictionario de datos" de Compiere contine definitiones de entitate de datos (typo, validation, etc.), como es monstrate (etiquetta in schermos e reportos, adjuta, sequentia de visualisation e position relative a altere campos), e le regulas de visualisation. Equalmente contine regulas de securitate e de accesso.
Compiere es disveloppate in le platteforma Java 2, Enterprise Edition, e depende del presentia de isto pro poter functionar.
[modificar] Independentia de base de datos
Durante longe tempore Compiere ha essite dependente del pacco de base de datos commercial Oracle, lo que ha causate le critica que non es un ver programma libere. Ma desde le version 2.5.2, le projecto ha publicate instrumentos pro transferer Compiere a altere bases de datos. Le supporto pro PostgreSQL, MySQL e Sybase es actualmente in stato preliminar.
