Clave de memoria USB
De Wikipedia, le encyclopedia libere
Un clave USB (Universal Serial Bus) (in anglese USB flash drive) es un parve medio de immagazinage que utilisa le memoria flash pro guardar le information sin necessitate de batteria electric. Le claves es impermeabile al excoriationes e al pulveres que ha plagate le formas previe de medios portabile de immagazinage, como le CDs e le dischettos.
Le systemas de operation plus moderne pote leger e scriber in le claves sin necessitate de driver (software de controlo) special. In le systemas de operation antiquate (como per exemplo, Windows 98) es necessari installar un driver.
[modificar] Characteristicas
Le actual claves se conforme al standard USB 2.0, lo que los permitte attinger velocitates de scriptura/lectura de usque 480 Mbit/s in theoria (ben que in le practica, multes attinge circa 20 Mbytes/s, isto es 160 Mbit/s). Lor capacitate de immagazinage varia inter alcun megabytes e 8 gigabytes, ben que alcun claves que incorpora un minuscule disco dur in vice de un memoria flash pote immagazinar plus de 20 GB. Nonobstante, alcun computatores pote haber difficultates de leger le information continite in dispositivos de plus de 2 GB de capacitate.
