Obesidade
Na Galipedia, a wikipedia en galego.
A obesidade é a acumulación excesiva de graxa no organismo. Tecnicamente, sempre que se dá unha inxestión de calorías (a través dos alimentos) maior que o gasto enerxético do corpo haberá un cúmulo de calorías na forma de graxa. O corpo humano almacena estas calorías extras nesta forma porque é o medio máis eficaz, almacenando o dobro de calorías no mesmo peso do que se almacenaría como carbohidrato ou proteína.
Coas facilidades da vida moderna, como ascensores, escadas rolantes, controles remotos e automóbiles, o home non precisa esforzarse fisicamente. Iso diminúe o gasto de enerxía na forma de calorías. Por outro lado, a facilidade en adquirir os “fast foods” e alimentos prontos conxelados mudaron o padrón alimentario do home moderno, que pasou a consumir máis graxa na forma de frituras, aceites, maionesas, chocolates e sorbetes cremosos.
Índice |
[editar] Índice de Masa Corpórea - IMC
Dividíndose o peso en quilos polo cadrado da altura en metros obtense un número que se chama de Índice de Masa Corpórea – IMC. O IMC normal é de 18 a 24,9; de 25 a 29,9 considérase sobrepeso. De 30 a 34,9 é obesidade grao I, de 35 a 39,9 é obesidade grao II e por riba de 40 é obesidade grao III ou obesidade mórbida. Por riba de 50 chámase super-obesidade. A obesidade caracterízase tamén como un problema de natureza estética e psicolóxica, alén de ser un gran risco para a saúde.
[editar] Insatisfacción co peso corporal
Sabemos que a relación dun individuo cos demais parte da forma en que os nosos sentidos actúan e espertan en nós sensacións de atracción ou de rexeitamento. Sendo a visión un destes sentidos, a imaxe corporal que a persoa posúe é indispensábel para unha vida saudábel. A importancia da mesma leva a que a persoa se prece consigo, sabendo que a positividade deste factor contribúe, non só ao desenvolvemento de relacións coa sociedade, mais coa autoestima e carisma presente en cada un de nós.
Esta imaxe corporal reflicte como vemos e o que vemos no mundo. A través das interaccións cos outros, modificamos a nosa imaxe, en función do que gustamos e do ambiente no que vivimos. Recollendo todos estes datos, podemos afirmar que a imaxe corporal está directamente influenciada por factores fisiolóxicos, psicolóxicos e sociolóxicos.
E aquí chega o conflito. O peso corporal está relacionado coa imaxe corporal que damos. Dentro das posibilidades do peso corporal dunha persoa, existe unha clase na que a persoa excede o peso ideal que debería ter, sendo chamada persoa obesa. Así, o peso corporal tamén se ve influenciado polos factores antes indicados e consecuentemente a obesidade é un problema derivado do mesmo.
Cando se sente un descontento grande coa imaxe corporal, a tendencia xeneralizada é o comezo de dietas inadecuadas, inxestión emocional e compulsiva, disturbios na alimentación que poden xerar a problemas aínda máis graves (anorexia, bulimia), exercicio excesivo e diminución da capacidade cognitiva.
Son cada vez máis as persoas que fican descontentes coa súa imaxe corporal debido a factores desta natureza. É por iso que a imaxe corporal é tamén cada vez máis coñecida como un problema médico e psicolóxico.
A referencia a comportamentos perante a insatisfacción co peso corporal pode tender para un aumento excesivo de peso (cando a persoa é/coida que é magra) ou para unha diminución drástica de peso (cando a persoa é/coida que é gorda). Neste momento, son moito máis as persoas que tenden a comportamentos de perda de peso que as outras. No entanto, é de salientar que aínda que moitas persoas o tenten, son poucas aquelas que realmente conseguen atinxir plenamente os obxectivos propostos.
A consciencia de que é necesario mudar é dos puntos máis importantes nesta área. Se a persoa está insatisfeita ou está mesmo con problemas graves de saúde, a iniciativa persoal é esencial. Só así se pode tornar unha persoa receptiva á implementación de programas e tratamentos adecuados á doenza en cuestión.
[editar] Obesidade Mórbida
A obesidade mórbida é así chamada por ser unha condición causante de morbidade ou doenza por si só. Os obesos mórbidos teñen máis tendencia ao diabetes mellitus (azucre no sangue), á hipertensión arterial (presión alta) e a problemas cardíacos e pulmonares. O tratamento é con dietas e medicamentos inhibidores do apetito, podendo ata culminar coa necesidade de cirurxías para os obesos mórbidos refractarios ao tratamento medicamentoso e dietoterápico. Estes procedimentos cirúrxicos son en xeral coñecidos como gastroplastias e só se deben facer despois da avaliación dun clínico, un nutrólogo, unha psicóloga e unha fisioterapeuta, alén do cirurxián. Equipos ben formados poden tamén contar con enfermeiros, asistentes sociais, profesionais de educación física e outros.
