Doenza
Na Galipedia, a wikipedia en galego.
Unha enfermidade ou doenza é calquera condición anormal do corpo ou da mente que causa malestar, disfunción ou angustia, ben nunha persoa (máis en xeral, nun ser vivo) afectada ou ben incluso en persoas (seres vivos) en contacto con ela. Ás veces úsase este termo mais amplamente, incluíndo feridas, discapacidades, síndromes, síntomas, comportamentos desviados e calquera variación atípica da estrutura ou función do corpo ou da mente.
O estudo das enfermidades denomínase patoloxía, mentres que a medicina é un corpus do coñecemento mais amplo, abranguendo tanto o coñecemento das enfermidades como o seu tratamento.
[editar] Enfermidade vs. Síndrome
Na terminoloxía médica distínguese entre enfermidade, da que se coñece especificamente a causa ou causas (a "etioloxía" ), do síndrome, que consta dun conxunto de síntomas que ocorren xuntos. Así e todo, hai enfermidades que se seguen a chamar síndrome aínda despois de se coñecer as causas; tamén ocorre o contrario: ás veces chámaselle "enfermidades" sen se coñecer a etioloxía (as causas).
[editar] Exemplos
Como exemplos de enfermidades poden citarse:
- Gripe
- Variola
- Neumonía
- Acondroplasia
- Herpes
- Escarlatina
- Malaria ou paludismo
- Febre amarela
- Peste e mais peste negra
- Unha inflamación
- Lepra
- A SIDA
- O cancro
- A esquizofrenia
Sen seren enfermidades senón disfuncións atópanse:
- A cegueira ou a xordeira conxénitas
- As amputacións
- Calquera enfermidade mental (tic, psicose, neurose, dobre personalidade, esquizofrenia, trastorno bipolar, manía)
- As disfuncións mentais (idiocia, imbecilidade, síndrome de Down, alexia, dislexia, afasia, disfasia, apraxia, ) ou sociais