Ernst Ludwig Kirchner
Na Galipedia, a wikipedia en galego.
Pintor alemán, un dos máximos expoñentes do expresionismo e principal impulsor do grupo alemán Die Brücke ('A ponte'). En 1904 traballou no estudio de Wilhelm Debschitz e Herrmann Obrist e coñeceu o gravado en madeira. Neste mesmo ano participou nunha creación do grupo, de ideas revolucionarias e unha intensa actividade en común, aínda que non tiveron un recoñecemento inmediato. Kirchner comezou a pintar de forma autodidáctica ao tempo que estudiaba arquitectura na Technische Hochschule de Dresden na que obtivo o diploma en 1905; tratou de derivar as formas naturais a simplificacións radicais, e mesmo ás veces, brutais.
En obras como Autorretrato con modelo (1907, Hamburgo), as súas liñas marcadas e as súas cores desentoadas crean un sentido de emoción violenta. O seu interese pola arte primitiva viuse reflectida tanta na súa obra como nos mobles e murais que fabricou para o estudio que compartía con Heckel nunha antiga carnicería do barrio obreiro.
En outubro de 1911 trasladouse a Berlín onde pintou as obras mais significativas do expresionismo alemán e comezou a ter certo éxito que lle levou a ser seleccionado para o Armory Show (1913, exposición de arte contemporánea europea en Nova York).
Especialmente as obras máis características eran representacións de mulleres como Cinco mulleres na rúa, nas que se burla mediante a distorsión grotesca, da artificialidade amaneirada e da sociedade berlinesa.
En 1915 a súa saúde física e mental foise deteriorando e transladouse a Davos, Suíza, onde viviu illado ata o final da súa vida. Comezou de novo a pintar e a escribir crítica de arte baixo o pseudónimo de Louis de Marsalle.
En 1937 os nazis, cando chegaron ó poder en Alemania, considerárono un artista dexenerado e, confiscaron 639 das súas pinturas. Kirchner sufriu un recaída do seu estado depresivo e suicidouse en xuño de 1938.
A súa obra mantivo sempre a simplificación e a deformación expresionista da forma e o uso arbitrario da cor. Como os demais pintores expresionistas de Die Brücke, evolucionou desde un primeiro momento de influencia de Van Gogh a un estilo mas sintético e bidimensional, de pinceladas grosas e unha maior autonomía da cor.
A súa temática estivo nun principio dedicada á paisaxe, con ou sen figuras, e ó espido. Xa enn Suíza pintou paisaxes nas que acentuou a compoñente mística.
