Beade, Vigo
Na Galipedia, a wikipedia en galego.
Santo Estevo de Beade é unha parroquia do concello de Vigo.
- Limita cas parroquias de Bembrive, Castrelos, Lavadores, Matamá, Sárdoma, Valadares e Zamáns e pertence ó arciprestado de Vigo-Santo André.
- Ten 8 entidades de poboación, 12 lugares e 5.501 veciños (2003)
- As súas entidades de poboación son as seguintes: Babio (1.210), Balde (355), O Carballo do Pazo (652), As Coutadas (671), A Gándara (508), A Pena (368), O Porto (444) e Saa (1.293).
- Os lugares (que xeralmente forman parte de algunhas das entidades): Abalde, As Barallas, O Coto, Dornelas, O Facho, Figueirós, Lambeiro, A Pouleira, As Presas, Quintián, O Seixo e A Venda.
Sitúase no centro do Concello, e, pola súa altura, ofrece unha vista panorámica da cidade e da ría. A igrexa actual foi construída a finais do século XVII. No seu adro atópase un cruceiro, de orixe descoñecida, que foi emprazado na súa localización actual no 1854. O máis destacábel da parroquia é a súa excelente produción de cereixas (principalmente da denominada "de pico"). No primeiro domingo de xuño (dende 1985) celébrase a Festa-Concurso da Cereixa.
Conta con unha agrupación musical de grande prestixio, a "Banda-Escola de Música de Beade", que a pesar da súa curta idade (20 anos), xa conta cun amplo currículo de premios e recoñecementos en certames nacionais e internacionais.
Lugares da parroquia de Beade no concello de Vigo na Provincia de Pontevedra | |
---|---|
Babio | Balde | Carballo do Pazo, O | Coutadas, As | Gándara, A | Pena, A | Porto, O | Saa |