Alcabre, Vigo
Na Galipedia, a wikipedia en galego.
Santa Baia de Alcabre é unha parroquia do concello de Vigo.
- Limita cas parroquias de Bouzas, Coia, Comesaña e Navia e pertence ó arciprestazgo de Vigo-San Andrés.
- Ten 21 entidades de poboación, 3 lugares e 2.997 veciños (2003)
- As súas entidades de poboazón son as seguintes: A Ameixeira (102), Barreiro (243), O Carregal (313), O Castañal (85), O Cruceiro (65), A Fonte (71), Fontes (27), Forte (34), A Garita (57), A Igrexa (405), A Millareira (90), Montana (104), O Muíño do Vento (107), A Pardaíña (19), As Pertegueiras (78), Roade (557), A Robaleira (57), A Sobreira (184), Turido (131), A Veiguiña (174) e Viña Grande (94).
- Os lugares (que xeralmente forman parte de algunhas das entidades): O Casaliño, Freixeiro e A Quiringosta
É unha das parroquias máis pequenas. Está na costa, e caracterízase xeográficamente polo gran número de praias que alberga. Na contorna do Monte das Cruces (no que se toparon pezas líticas dos anos 6.500-4.500 a.c.) conservanse tégulas, bases de columnas e muíños de man dun antigo asentamento romano. Alberga un interesante conxunto relixioso do século XVIII, formado pola igrexa, a casa reitoral e o cemiterio. A nova igrexa de Santa Baia foi rematada no ano 1999 e, próximo a ela, atópase o pazo de Sensat construído na década de 1940. Tamén na parroquia atópase o Museo do Mar. A praia de Fontes (famosa polos asasinatos de veciños despois do levantamento fascista do 1936), acolle un monolito de homenaxe ás víctimas.
| Lugares da parroquia de Alcabre no concello de Vigo na Provincia de Pontevedra | |
|---|---|
|
Ameixeira, A | Barreiro | Carregal, O | Castañal, O | Cruceiro, O | Fonte, A | Fontes | Forte | Garita , A | Igrexa, A | Millareira, A | Montana | Muíño do Vento, O | Pardaíña, A | Pertegueiras, As | Roade | Robaleira, A | Sobreira, A | Turido | Veiguiña, A | Viña Grande |
