Frysk Deiblêd
It Frysk Deiblêd ( Friesch Dagblad ) is in protestantsk-kristlik deiblêd dat yn Fryslân, it Grinzer Westerkertier en yn de Noardeastpolder ferskynt.
It is it lytste selsstannige regionale deiblêd yn Nederlân. De earste krante kaam yn 1903 fan de drukparse. De krante wie rjochte op de grifformearde anty-revolúsjonêre fermidden, krektas yn dy tiid "De Standaard" en nei de oorloch Trouw. It Frysk Deiblêd hat dit karakter sterker hâlden asTrouw, al is it lêzerspublyk no breder wurden.
In foarbyld dêrfan is de sport op snein. De krante stie der lange tiid bekend om dêr gjin oandacht oan te besteegjen, mar dat is de lêste jierren net mear sa. It Friesch Dagblad past him by de ûntwikkelingen yn de maatschappij oan, en ek sneins wurdt troch redakteuren wurke. Sa bliuwt de krante krektas de kollega-kranten aktueel.
Yn de Twadde Wrâldoarloch ferskynde it Frysk Deiblêd net mear fan it momint ôf dat kranten yn Nederlân ûnder sensuer kamen te stean. Nei de oarloch is de tried wer op pakt.
It Frysk Deiblêd wurdt bestjoerd troch in feriening fan lêzers, mar hat ek in stik of wat kommersjele BV's dy't soargje foar de nedige ynkomsten. De krante hat in eigen printparse en is redaksjoneel folslein ûnôfhinklik. Haadredakteur anno 2006 is Lútzen Kooistra.
Friezen kinne oar as oare lêzers yn oare provinsjes kieze út twa regionale deiblêden. It oare regionale deiblêd is de Ljouwerter Krante ( Leeuwarder Courant ) .
