Santiago Brouard

Wikipedia(e)tik

Santiago Brouard edo Santi Brouard (Lekeitio, 1919 - Bilbo, 1984ko azaroaren 20) mediku eta politikaria izan zen.

Lekeition jaioa, medikuntza ikasi zuen Valladolideko unibertsitatean. Behin ikasketak burututa Euskal Herrira itzuli zen eta pediatriako espezializazioa burutu zuen Basurtuko Ospitalean. Teresa Aldamizekin ezkondu zen eta hiru seme-alaba izan zituen. Aldi berean, Bizkaiko lehen ikastolen sorreran lagundu zuen.

1974ean espainiako poliziak tirokaturiko etakide bati laguntzeagatik Ipar Euskal Herrira ihes egin behar izan zuen. Bertan Argala bezalako ETAkide historikoekin harremana izan zuen. Erregimen frankistaren amaiera aldera KAS alternatibaren egitean parte hartu zuen. Broaurd EHASeko sortzaileetako bat izan zen (1977etik aurrera HASI moduan ezagutu zena). Brouard bera HASIko presidente izendatu zuten eta Herri Batasuna sortzean, alderdi hortako kide izan zen.

Erbestetik bueltatzerakoan bere mediku lanarekin jarraitu zuen, aldi berean politikan parte hartuz. 1983ean kartzeleratu egin zuten Joan Karlos I.a errege Espainiarrak Gernikako juntetxera egindako bisitaldian eusko gudariak abestu zuen Herri Batasuneko beste kide batzurekin batera. Herri Batasuneko mahai nazionaleko kidea izan zen, eta alderdi hortako diputatu Madrilgo gorteetan. Horrez gain, agintaldi batez Bilboko alkateorde izan zen.

[aldatu] Hilketa

1984eko azaroaren 20ean, bi gizonek (Luis Morcillo eta Rafael López Ocañak) tiroz hil zuten Santi Brouard bere pediatriako kontsultan. Hilketa burutzeko aukeratutako eguna ez zen ustekabekoa izan. Izan ere, egun horretan bertan baina urte batzuk lehenago Primo de Rivera edota Francisco Franco hilak ziren.

Ondorengo ikerketek bi gizon hauek identifikatu eta auziperatu zituen. Baina Audientzia Nazionaleko epaile batek libre utzi zituen 1999ean. Hilketa, Espainiako gobernuak 1980ko hamarkadan aurrera eramandako estatu terrorismoaren operazioa izan zen, Brouard hil zuten bi gizonak, Julian Sancristobal, Bizkaiko PSOE alderdiko gobernadore zibilak aginduta.