Katalina Erauso
Wikipedia(e)tik
Katalina Erauso (Donostia, 1592- Kuitlaxtla, Mexiko, 1650) moja eta soldadu bat izan zen.
1592an jaio zen Donostian, Miguel Erauso eta Maria Perez Galarragaren alaba. Oso gazte Antiguoko komentuan sartu zuten, baina bere izaera ez zen lekaime batentzako oso egokia eta, beste moja bat astindu ondoren, 15 urterekin ihes egin zuen baserritarrez jantzita. Urtetan zehar herriz herri ibili zen, beti gizonezkoaren itxura eta izenarekin, Amerikara joan zen arte. Perun soldadu bezela izena eman zuen.
1619an, Txileren iparraldean borrokatu zen, ausart eta trebearen izena irabazi zuelarik eta emakumea zela adierazi gabe. Denbora honetan zehar, hainbat borroketan hartu zuen parte, soldaduen artean ohikoena zen bezala.
1623an borroka batean gizon bat hiltzeagatik atxilotua izan zen, eta exekuzioa sahiesteko, gotzainari emakumea zela eta konbentu batean egona zela esan zion. Emakumea zela baieztatu zuen azterketa baten ondoren, gotzainak babestu eta Espainiara bidali zuen. Han Felipe IV erregearekin bildu zen. Bere abenturen historioa Europan zehar zabaldu zen, Katalino Erromako Aita Santua bisitatzera heldu zelarik.
Katalinak autobiografia bat idatzi zuen, oso gerora, 1829an, argitaratu zena. Eskuragarri dago gune honetan.
