Kataro (lando)

El Vikipedio

Kataro - Katar - قطر

Lando en Sud-Okcidenta Azio.

• Landkodo: QA.
• E-nomo: Katara Ŝtato.
• Nacia nomo: Daŭlat Katar, دولة قطر
• Areo: 10.400 kv.km.
• Politika sistemo: absoluta monarĥio.
• Ŝtatestro: emiro Hamad bin Ĥalifa at-Tani (1995).
• Ĉefurbo: Dohao.
• Loĝantaro: 642 mil (1995), inter ili - araboj 40%, hindoj kaj pakistananoj 18-18%.
• Ŝtatlingvo: araba.
• Kredantoj: muzulmanoj.
• Eksporto: nafto, tekstila produktaĵo.
• Pokapa GNP: 11.600 $.
• Heredaĵo: Dohao (nacia kaj etnografiaj muzeoj, nacia teatro), az-Zubarah (bone konservita dezerta fortikaĵo).

Kataro (angle State of Qatar) estas emirato en sudokcidenta Azio kaj Meza Oriento. La lando okupas malgrandan duoninsulon de pli granda Araba Duoninsulo. Sude ĝi limas kun Unuiĝintaj Arabaj Emirlandoj, alie la lando estas de nordo, oriento kaj okcidento ĉirkaŭita de Persa Golfo.

Enhavo 1 Historio 2 Politiko 3 Urboj 4 Ekonomio 5 Geografio 6 Demografio 7 Vidu ankaŭ jenon:

[redaktu] Historio

Kataro estas unu el pluraj historiaj emiratoj de Araba Duoninsulo. Kataro estas sendependa lando ekde la 3-a de septembro de 1971. Diference de aliaj najbaraj emiratoj Kataro decidiĝis ne fariĝi parto de Saŭda Arabio aŭ Unuiĝintaj Arabaj Emirlandoj.

Malkovro de krudnafto komence de la kvardekaj jaroj tute ŝanĝigis nacian ekonomion. Antaŭe Kataro estis malriĉa fiŝkaptista lando kun vasta malriĉeco. Nun la lando havas altan vivnivelon.

[redaktu] Politiko

Kataro estas tradicia monarĥio sub regado de emiro Hamád Ibn Chalíf as-Sání. Familio de as-Sání regas ekde duono de la 19-a jarcento. Islama rajto dominas en familiaj kaj personaj aferoj. Civitanoj de Kataro ne pagas imposton el enspezoj.

[redaktu] Urboj

Ad-Dauhá, ĉefurbo de Kataro, estas la plej grava el la lando kaj tie vivas pli ol duono de la loĝantoj. Havenurbo Umm Said en orienta marbordo estas plua ĉefurbo. Pli ol 90 % kataranoj vivas en urboj.

[redaktu] Ekonomio

La naciaj enspezoj de Kataro devenas ĉefe el krudnafto kaj tergaso. Rezervoj de krudnafto estas taksataj al 15 miliardoj da bareloj (2,4 km³). La riĉeco kaj la vivnivelo de kataranoj estas komparebla kun okcidenta Eŭropo.

[redaktu] Geografio

Katara duoninsulo elkuras 160 km en Persan Golfon. Plimulto de la lando estas ebenaĵa dezerta plataĵo kovrita de sablo.

[redaktu] Demografio

Preskaŭ ĉiuj kataranoj estas muslimoj. Krom etnaj araboj plimulto de la loĝantoj estas almigrintoj laborantaj en krudnafta industrio. La araba lingvo estas ofica lingvo, sed al la angla lingvo komprenas plimulto da loĝantoj.

[redaktu] Vidu ankaŭ jenon:

• Al-Ĝazira
• Listo de urboj de Kataro
• Ligo de Arabaj Ŝtatoj