Тадэвуш Далэнга-Мастовіч
Зьвесткі зь Вікіпэдыі — вольнай энцыкляпэдыі.
Далэнга-Мастовіч, Тадэвуш (10 жніўня 1898 – 20 верасьня 1939) — польскі і беларускі пісьменьнік, празаік, які шмат гадоў жыў і пісаў у Глыбокім.
Нарадзіўся ў вёсцы Акунёва на Віцебшчыне. Да 1917 году вывучаў права ў Кіеве, у гэты час быў сябрам кансьпірацыйнай Польскай Вайсковай Арганізацыі. Па прыезьдзе ў Варшаву ахвотнікам уступіў у войска, прымаў удзел у польска-бальшавіцкай вайне. У 1922 – 1926 гадах быў супрацоўнікам, а пазьней рэдактарам часопіса Rzeczpospolita (Жэчпаспаліта). Як фэльетаністы выкарыстоўваў псэўданім C. hr. Zan. (Ц. хр. Зан).
Аўтар колькінаццаці раманаў, між іншым «Апошняя брыгада» (друкаваў у частках у 1930 годзе, кніжнае выданьне ў 1932 годзе), «Кар'ера Нікадэма Дызмы» (1932), «Ківоны» (друкаваў у частках у 1932 годзе, кніжнае выданьне ў 1987 годзе), «Пракуратар Аліцыя Хорн» (1933), «Др Мурэк ануляваны» i «Другое жыцьцё доктара Мурка» (1936), «Знахар» (1937), «Прафэсар Вільчур» (1939), «Дзёньнік пані Ханкі» (1939). Нечуваная папулярнасьць гэтых твораў вынікала з прывабнасьці сюжэту, перапоўненага мэлядраматычнымі і сэнсацыйнымі паваротамі, якія былі спалучаныя з крытыкай тагачаснай рэчаіснасьці. На падставе «Знахара», быў зьняты фільм з аднайменнай назвай. Фільм гэты стаўся клясыкай польскага кіно і неаднаразова паказваўся таксама на беларускай тэлевізіі.
Прымаў удзел у верасьнёвай кампаніі 1939 году. Загінуў падчас заняцьця Кут Чырвонай Арміяй. Ягоныя рэшткі былі прывезеныя ў Варшаву 24 лістапада 1978 году і пахаваная ў катакомбах Павёнзкавых Могілак.
Тадэвуш Далэнга-Мастовіч ёсьць аўтарам слыннага афарызма: «Ёсьць тры вечныя рэчы: вечная асадка, вечнае каханьне i вечная андуляцыя. Найбольш трывалае з гэтых трох гэта вечная асадка.»
У Глыбокім на будынку суду, на доме, дзе жыў пісьменьнік усталяваная дошка памяці Тадэвуша Далэнгі-Мастовіча. Гэтая табліца, побач з каталіцкім касьцёлам становяць найбольш папулярныя месцы, якія вельмі ахвотна наведваюць польскія экскурсіі. Пакуль няма ніводнага друкавана перакладу кніжак пісьменьніка на беларускую мову.
